Rajkot: ઇકો કાર સાથેની ટક્કર બાદ કારમાં શું એવું મળ્યું કે લોકો ચોંકી ગયા?

રાજકોટ (Rajkot) નજીક હડમતીયા ફાળદંગ વચ્ચે અકસ્માત

મળતી માહિતી મુજબ, રાજકોટ પાસે આવેલા હડમતીયા અને ફાળદંગ ગામના માર્ગ પર એક સ્વિફ્ટ કારના ચાલકે સ્ટેયરિંગ પરથી કાબૂ ગુમાવતા સામેથી આવતી ઇકો કાર સાથે તે અથડાઈ હતી. અકસ્માત એટલો જોરદાર હતો કે બંને વાહનોને નુકસાન પહોંચ્યું હતું. અકસ્માત થતા જ આસપાસના લોકો તાત્કાલિક મદદ માટે દોડી આવ્યા હતા. જોકે, સ્વિફ્ટ કારનો ચાલક અકસ્માત સર્જીને તકનો લાભ લઈ ત્યાંથી ભાગી છૂટવામાં સફળ રહ્યો હતો.

કારમાંથી મળ્યો દારૂનો જથ્થો

અકસ્માત બાદ જ્યારે સ્થાનિક લોકોએ સ્વિફ્ટ કારની તપાસ કરી, ત્યારે તેઓ ચોંકી ઉઠ્યા હતા. કારની અંદર વિદેશી દારૂના બોક્સ ભરેલા જોવા મળ્યા હતા. અકસ્માતને કારણે દારૂ ભરેલી કેટલીક બોટલો ફૂટી ગઈ હતી અને કારમાંથી દારૂની ગંધ આવવા લાગી હતી. લોકોએ આ સમગ્ર ઘટનાનો વીડિયો ઉતારી લીધો હતો, જે હાલ સોશિયલ મીડિયા પર વાયરલ થઈ રહ્યો છે. વીડિયોમાં સ્પષ્ટપણે જોઈ શકાય છે કે કઈ રીતે બુટલેગરો છડેચોક દારૂની હેરાફેરી કરી રહ્યા છે.

પોલીસ કાર્યવાહી

ઘટનાની જાણ થતા જ સ્થાનિક પોલીસ કાફલો ઘટનાસ્થળે પહોંચી ગયો હતો. પોલીસે સ્વિફ્ટ કાર અને તેમાં રહેલો દારૂનો જથ્થો કબજે કર્યો છે. ઈજાગ્રસ્ત મહિલાને તાત્કાલિક હોસ્પિટલ ખસેડવામાં આવ્યા હતા. પોલીસે સ્વિફ્ટ કારના રજિસ્ટ્રેશન નંબરના આધારે આરોપી બુટલેગરની ઓળખ મેળવવા અને તેને ઝડપી પાડવા માટે ચક્રો ગતિમાન કર્યા છે.

આ પણ વાંચો: Gujarat Budget 2026-27: નાણામંત્રી કનુભાઈ દેસાઈ રજૂ કરશે ગુજરાતનું અત્યાર સુધીનું સૌથી ઐતિહાસિક બજેટ