Rajkot : સેન્સ પ્રક્રિયાને 'મૂર્ખ બનાવવાની રમત' ગણાવતા અતુલ પંડિતની પોસ્ટથી હડકંપ

અતુલ પંડિતે સોશિયલ મીડિયામાં કરી પોસ્ટ

જ્યારે એક તરફ ભાજપના નિરીક્ષકો દ્વારા કાર્યકરો અને દાવેદારોનો મિજાજ પારખવા માટે સેન્સ લેવાની કામગીરી ચાલી રહી હતી, ત્યારે જ અતુલ પંડિતે સોશિયલ મીડિયા પર લખ્યું કે, "આજે કેટલાક મૂર્ખ બનશે, અને કેટલાક મૂર્ખ બનાવશે." આ પોસ્ટમાં તેમણે 'મૂર્ખ' (Stupid) શબ્દનો પ્રયોગ કરીને સમગ્ર પ્રક્રિયાને કટાક્ષના ઘેરામાં લાવી દીધી છે. મહત્વની વાત એ છે કે, અતુલ પંડિત વર્ષોથી ભાજપ સાથે જોડાયેલા છે અને સંગઠનમાં મોટું પદ ભોગવી ચૂક્યા છે, ત્યારે તેમની આવી ટિપ્પણીથી રાજકીય વર્તુળોમાં આશ્ચર્ય ફેલાયું છે.

રાજકોટ ભાજપ નેતાની સેન્સ પ્રક્રિયા પર વિવાદિત પોસ્ટ
શિક્ષણ સમિતિ પૂર્વ ચેરમેન અતુલ પંડિતની વિવાદિત પોસ્ટ
પોસ્ટમાં ભાજપની સેન્સ પ્રક્રિયાને અતુલ પંડિતે ગણાવી 'મૂર્ખ'
આજે કેટલાક મૂર્ખ બનશે, કેટલાક મૂર્ખ બનાવશે: અતુલ પંડિત
સેન્સ પ્રક્રિયા સમયે જ પોસ્ટ મૂકાતા ભાજપમાં ખળભળાટ… pic.twitter.com/b2wxY4sElf

— Gujarat First (@GujaratFirst) April 1, 2026

Rajkot ભાજપમાં આંતરિક વિખવાદ

આ ઘટના બાદ ભાજપમાં આંતરિક ખેંચતાણ (Internal Conflict) સપાટી પર આવી છે. વિપક્ષી નેતાઓ પણ આ પોસ્ટને લઈને ભાજપ પર નિશાન સાધી રહ્યા છે. સૂત્રોના જણાવ્યા અનુસાર, હાઈકમાન્ડ આ મામલે અતુલ પંડિત પાસે ખુલાસો માંગી શકે છે. કાર્યકરોમાં ચર્ચા છે કે શું આ પોસ્ટ કોઈ અન્યાયનો આક્રોશ છે કે પછી સત્તાની લડાઈનો ભાગ? હાલમાં તો આ 'મૂર્ખ' વાળી પોસ્ટે રાજકોટના રાજકારણમાં ગરમી લાવી દીધી છે.

આ પણ વાંચો : Nadiad: બિલ્ડરની શાન ઠેકાણે લવાઈ! Atul Patel ના ગેરકાયદે બાંધકામનો ખેલ ખતમ