Rajkot: ફૂડ વિભાગની મોટી કાર્યવાહી, મોરબી રોડ પરથી 500 કિલો શંકાસ્પદ પનીરનો જથ્થો ઝડપાયો

500 કિલો જેટલું શંકાસ્પદ પનીર જપ્ત

તપાસ દરમિયાન આરોગ્ય વિભાગને કારખાનામાંથી આશરે 500 કિલો જેટલો શંકાસ્પદ ગુણવત્તાવાળો પનીરનો જથ્થો મળી આવ્યો હતો. આ પનીર માનવ સ્વાસ્થ્ય માટે હાનિકારક હોવાની આશંકા સેવાઈ રહી છે. તપાસમાં સામે આવ્યું હતું કે, પ્રકાશભાઈ હરસોડા નામના વ્યક્તિ દ્વારા આ કારખાનું કોઈપણ પ્રકારના વેલિડ ફૂડ લાયસન્સ (Food License) વગર ધમધમતું હતું. સ્વચ્છતાના અભાવ અને ગેરકાયદે પ્રવૃત્તિને પગલે ફૂડ વિભાગે ત્વરિત કાર્યવાહી કરી સમગ્ર કારખાનાને સીલ કરી દીધું છે.

Rajkot Food Raid: આરોગ્ય વિભાગની કાર્યલાહી

આરોગ્ય વિભાગની ટીમે સ્થળ પર જ કાર્યવાહી કરતા સંચાલક પ્રકાશભાઈ હરસોડાને 10,000 રૂપિયાનો દંડ ફટકાર્યો છે. આ સાથે જ તેમને કાયદાકીય નોટિસ પણ પાઠવવામાં આવી છે. આટલી મોટી માત્રામાં શંકાસ્પદ પનીર બજારમાં વેચાણ માટે જવાનું હતું, પરંતુ ફૂડ વિભાગની સતર્કતાને કારણે મોટી દુર્ઘટના ટળી છે. ફૂડ વિભાગ દ્વારા પનીરના નમૂના લઈને લેબોરેટરીમાં તપાસ માટે મોકલી આપવામાં આવ્યા છે, જેનો રિપોર્ટ આવ્યા બાદ આગળની કાયદાકીય કાર્યવાહી કરવામાં આવશે.

આ પણ વાંચો: Amreli Heavy Rain: અમરેલીમાં મેઘરાજાનું રૌદ્ર સ્વરૂપ, જાફરાબાદ-રાજુલામાં જળબંબાકાર!