Rajkot : ગોંડલમાં સરકારી શાળાના શિક્ષકનો આપઘાત : ટ્રેન નીચે પડતું મૂકીને જીવન ટૂંકાવ્યું

સવારે લગભગ 7 વાગ્યાના સમયે નીતિનભાઈ કાલરીયા ગોમટા-વીરપુર વચ્ચેના રેલ્વે ટ્રેક પર પહોંચ્યા અને રાજકોટથી વેરાવળ જતી પેસેન્જર ટ્રેન નં. 59422 નીચે આવી ગયા હતા. અકસ્માત પછી તેમના મૃતદેહને શિવમ સાર્વજનિક ટ્રસ્ટની એમ્બ્યુલન્સ દ્વારા પોસ્ટમોર્ટમ અર્થે ગોંડલ સિવિલ હોસ્પિટલ ખસેડવામાં આવ્યો હતો. પોલીસે પંચનામું કરીને ઘટનાસ્થળની તપાસ શરૂ કરી છે. શિક્ષકે આપઘાત કેમ કર્યો છે, તેના વિશે કોઈ જ ખુલાસો થયો નથી.

Rajkot ના Gondal માં સરકારી શાળાના શિક્ષકનો આપઘાત | Gujarat First

સરકારી શાળાના શિક્ષકે ટ્રેન નીચે પડીને આપઘાત કર્યો
અજ્ઞાત કારણોસર શિક્ષકે જીવન ટૂંકાવ્યું
નીતિન કાલરીયા નામના શિક્ષકે આપઘાત કરતાં ચકચાર
શિક્ષકના મૃતદેહને પીએમ અર્થે ગોંડલ સિવિલ હોસ્પિટલમાં ખસેડાયો
સમગ્ર ઘટનાને લઈ… pic.twitter.com/onrUtil2Tl

— Gujarat First (@GujaratFirst) November 12, 2025

નીતિનભાઈ રામોદ સરકારી શાળામાં લાંબા સમયથી શિક્ષક તરીકે કાર્યરત હતા અને તેમના વિદ્યાર્થીઓ તથા સંબંધીઓ તરફથી તેમને ખૂબજ સ્નેહ મળતો હતો. તેઓ મોવિયા ગામના મૂળ નિવાસી હતા અને ગોમટા વિસ્તારમાં રહેતા. આ ઘટના પછી તેમના પરિવારજનો શોકમાં ડૂબી ગયા છે.

ગોંડલ તાલુકા પોલીસ સ્ટેશનના પીએસઆઈએ જણાવ્યું કે, "આ ઘટના આપઘાત તરીકે દેખાય છે, પરંતુ અગમ્ય કારણોની તપાસ ચાલુ છે. પરિવારજનો અને સંબંધીઓના નિવેદનો લેવામાં આવી રહ્યા છે." હજુ સુધી કોઈ સુસાઇડ નોટ મળી નથી, પરંતુ પોલીસે તેમના મોબાઇલ અને અન્ય વસ્તુઓની તપાસ કરી રહી છે. ઉલ્લેખનિય છે કે, પાછલા કેટલાક સમયથી આત્મહત્યાની ઘટનાઓ વધતી જાય તેવી પરિસ્થિતિમાં માનસિક તણાવ અને વ્યક્તિગત સમસ્યાઓને કારણે આપઘાતના કેસો વધ્યા છે.

આ પણ વાંચો- સુરત : RFO સોનલ સોલંકી પર ફાયરિંગ કેસમાં પતિ નિકુંજ ગોસ્વામીએ જ મિત્રને આપી હતી સોપારી, બંનેની ધરપકડ