Rajkot: રીલ બનાવવાનો ક્રેઝ ભારે પડ્યો, ₹80 લાખની કાર, ગેરકાયદે હથિયાર સાથે બે ઝડપાયા
- Rajkot માં હથિયાર સાથે રીલ બનાવતા ગાંધીનગરના નબીરાઓ જેલભેગા!
- ન્યારી ડેમ પાસે 80 લાખની લક્ઝરી કાર સાથે રીલ બનાવતા વિદ્યાર્થીઓ ઝડપાયા
- રાજકોટ SOG પોલીસે બાતમીના આધારે બે કોલેજીયન યુવાનોને દબોચ્યા
- ધ્રુમિલ ઠાકોર અને આદિત્ય રાઠોડ પાસેથી ગેરકાયદેસર હથિયાર મળી આવ્યું
- ગાંધીનગરથી ખાસ વીડિયો શૂટ કરવા રાજકોટ આવ્યા હતા બંને યુવાનો
- પોલીસે હથિયાર અને મોંઘીદાટ કાર જપ્ત કરી કાયદેસરની કાર્યવાહી હાથ ધરી
Rajkot: રંગીલા રાજકોટમાં સોશિયલ મીડિયા પર ફેમસ થવા માટે રીલ બનાવવાનો શોખ હવે ગુનાખોરી તરફ વળી રહ્યો હોય તેમ લાગી રહ્યું છે. શહેરના ન્યારી ડેમ (Nyari Dam) પાસે ગેરકાયદે હથિયાર સાથે રીલ બનાવી રહેલા ગાંધીનગરના (Gandhinagar) બે કોલેજીયન યુવાનોને રાજકોટ એસઓજી (SOG) પોલીસે ઝડપી પાડ્યા છે. આ યુવાનો મોંઘીદાટ ગાડીઓ લઈને અહીં રોફ જમાવવા આવ્યા હતા, પરંતુ હવે જેલની હવા ખાવાનો વારો આવ્યો છે.
Rajkot: શું છે સમગ્ર ઘટના?
રાજકોટ સ્પેશિયલ ઓપરેશન ગ્રુપ (SOG) ને ચોક્કસ બાતમી મળી હતી કે ન્યારી ડેમ રોડ પર કેટલીક લક્ઝરી કાર સાથે કેટલાક યુવાનો શંકાસ્પદ હિલચાલ કરી રહ્યા છે. પોલીસ જ્યારે ઘટનાસ્થળે પહોંચી ત્યારે ત્યાં અંદાજે ₹80 લાખની કિંમતની ગાડીઓ સાથે બે યુવાનો ઇન્સ્ટાગ્રામ રીલ (Instagram Reels) બનાવી રહ્યા હતા. પોલીસ તપાસ દરમિયાન આ યુવાનો પાસેથી ગેરકાયદે હથિયાર (Illegal Weapon) મળી આવતા ખળભળાટ મચી ગયો હતો.
ઝડપાયેલા યુવાનોની ઓળખ
પોલીસે આ મામલે ધ્રુમિલ ઠાકોર અને આદિત્ય રાઠોડ નામના બે વિદ્યાર્થીઓની ધરપકડ કરી છે. તપાસમાં સામે આવ્યું છે કે આ બંને યુવાનો ગાંધીનગરથી રાજકોટ માત્ર વીડિયો શૂટ કરવા માટે આવ્યા હતા. તેમની પાસેથી મળી આવેલા હથિયારના લાયસન્સ કે અન્ય કોઈ કાયદે કાગળો ન હોવાથી પોલીસે આર્મ્સ એક્ટ (Arms Act) હેઠળ ગુનો નોંધી વધુ તપાસ હાથ ધરી છે. આ ઘટનાએ ફરી એકવાર સાબિત કર્યું છે કે યુવા પેઢીમાં સોશિયલ મીડિયાનો ક્રેઝ જોખમી સ્તરે પહોંચી ગયો છે.
આ પણ વાંચો: NEET પેપર લીક મુદ્દે રાહુલ ગાંધીના કેન્દ્ર સરકાર પર આકરા પ્રહાર, જાણો PM મોદી પાસે શું કરી માંગ!