Rajkot Upleta monsoon shock: ઉપલેટામાં માત્ર 5 મીમી વરસાદમાં, રસ્તા પર પડ્યા મોટા ભૂવા

Rajkot જિલ્લા કોંગ્રેસે તંત્ર પર ગંભીર આક્ષેપો કર્યા

આ મામલે રાજકોટ જિલ્લા કોંગ્રેસે તંત્ર પર ગંભીર આક્ષેપો કર્યા છે. કોંગ્રેસના નેતાઓએ દાવો કર્યો છે કે ભૂગર્ભ ગટર યોજનાની શરૂઆતથી જ વ્યાપક ભ્રષ્ટાચાર આચરવામાં આવ્યો છે. જે ગુણવત્તા સાથે કામ થવું જોઈતું હતું, તે કરવામાં આવ્યું નથી. આક્ષેપ છે કે કામગીરી દરમિયાન સ્થળ પર કોઈ જવાબદાર એન્જિનિયર, સુપરવાઈઝર કે થર્ડ પાર્ટી ઇન્સ્પેક્શન ટીમ ક્યારેય હાજર રહેતી નથી, જેના કારણે કોન્ટ્રાક્ટરે પોતાની મનમાની કરી છે.

ગંભીર અકસ્માતો થવાનો ભય

શહેરના જાગૃત નાગરિકોનું કહેવું છે કે, "હજી તો માત્ર 5 મીમી જેટલો નજીવો વરસાદ પડ્યો છે અને આવી સ્થિતિ છે, જો ભવિષ્યમાં ભારે વરસાદ પડશે તો રસ્તાઓ ગાયબ થઈ જશે અને વાહનો ખાડામાં ખાબકશે." અનેક સ્થળોએ રસ્તા બેસી જવાને કારણે ગંભીર અકસ્માતો થવાનો ભય સેવાઈ રહ્યો છે. કોંગ્રેસે ઉગ્ર માંગ કરી છે કે નગરપાલિકા અને સરકારી તંત્ર હવે કુંભકર્ણની નિદ્રામાંથી જાગે અને તાકીદે નિયમ મુજબ ગુણવત્તાયુક્ત કામગીરી કરાવે, જેથી જનતાની પરેશાની ઓછી થાય. જો આ મામલે સત્વરે કાર્યવાહી કરવામાં નહીં આવે તો આગામી દિવસોમાં આંદોલનાત્મક કાર્યક્રમો આપવાની પણ ચીમકી આપવામાં આવી છે.

આ પણ વાંચો: Rajkot News: જંગલેશ્વર ડિમોલિશનના ખર્ચના વિવાદમાં મેયર નેહલ શુક્લાનું બદલાતું વલણ, ભ્રષ્ટાચાર છાવરવાનો ખેલ?