Rajya Sabha Election 2026: ગુજરાત સહિત 10 રાજ્યોમાં રાજ્યસભાની ચૂંટણીની જાહેરાત, જાણો સંપૂર્ણ શેડ્યૂલ

ગુજરાતની કઈ 4 બેઠકો પર ચૂંટણી?

ચૂંટણી પંચની જાહેરાત અનુસાર, ગુજરાતની જે 4 રાજ્યસભા બેઠકો ખાલી થઈ રહી છે તેના માટે 18 જૂન, 2026 ના રોજ મતદાન પ્રક્રિયા હાથ ધરવામાં આવશે. જે સાંસદોનો કાર્યકાળ પૂર્ણ થઈ રહ્યો છે તેમાં ભાજપના રામ મોકરિયા (Ram Mokariya) અને નરહરિ અમીન (Narhari Amin) તથા કોંગ્રેસના રમીલાબેન બારા (Ramilaben Bara) અને શક્તિસિંહ ગોહિલ (Shaktisinh Gohil) નો સમાવેશ થાય છે. આ ચાર દિગ્ગજ નેતાઓનો કાર્યકાળ પૂર્ણ થતો હોવાથી આ બેઠકો પર રાજકીય ગરમાવો જોવા મળી રહ્યો છે.

ચૂંટણી પ્રક્રિયા

10 રાજ્યોની 24 બેઠકો માટેની આ ચૂંટણી માટે ઉમેદવારી ફોર્મ ભરવાની પ્રક્રિયા સહિતનો કાર્યક્રમ ચૂંટણી પંચ દ્વારા ટૂંક સમયમાં જાહેર કરવામાં આવશે. રાજ્યસભાની બેઠકો પર જીત મેળવવા માટે રાજકીય પક્ષોમાં અત્યારથી જ આંતરિક ગણતરીઓ શરૂ થઈ ગઈ છે. ગુજરાતમાં ભાજપ અને વિપક્ષ બંને પક્ષો પોતાના સમીકરણો ગોઠવવામાં વ્યસ્ત બન્યા છે. 18 જૂનના રોજ યોજાનાર આ ચૂંટણીના પરિણામો દેશના રાજકીય માળખામાં મહત્વની અસર કરી શકે છે.

આ પણ વાંચો:  Surat Police નું Operation Muskan સફળ, ઘર છોડી ભાગેલા 3 બાળકોને શોધી કાઢ્યા