Fake Milk : સાબરકાંઠામાં નકલી દૂધનો કાળો કારોબાર, મુખ્ય આરોપીના રિમાન્ડ મંજૂર
- સાબરકાંઠા જિલ્લામાં નકલી દૂધ (Fake Milk) બનાવવાના કાળા કારોબારનો પર્દાફાશ
- પ્રાંતિજ તાલુકાના સલાલ ગામેથી નકલી દૂધ બનાવતી ફેક્ટરી ઝડપાઈ
- LCB પોલીસે બાતમીના આધારે દરોડા પાડી કાર્યવાહી કરી
- ફેક્ટરીમાંથી ડિટર્જન્ટ પાવડર, યુરિયા ખાતર, દૂધ પાવડર સહિતનો મુદ્દામાલ કબજે
- પામોલીન તેલ, સોયાબીન તેલ અને કોસ્ટિક સોડાનો પણ ઉપયોગ થતો હતો
- મુખ્ય આરોપી રાકેશ પટેલ ઉર્ફે ધમો ઝડપાયો
- કોર્ટે આરોપીના 2 દિવસના રિમાન્ડ મંજૂર કર્યા
Fake Milk: ગુજરાતમાં જાણે નકલી નકલીનો રાફડો ફાટી નીકળ્યો હોય તેવું લાગી રહ્યું છે, જ્યાં જુઆ ત્યાં નકલી વસ્તુઓની ભરમાર જોવા મળી રહી છે. સાબુ થી લઈને શેમ્પુ સુધીની દરેક વસ્તુઓ નકલી મળી આવી છે. ત્યારે સાબરકાંઠામાં (Sabarkantha) તો નકલી વસ્તુ બનાવવાની હદ જ થઈ ગઈ છે. તમે ક્યારે વિચાર્યું છે કે તમને જે દૂધ (Milk) પીવો છે તે અસલી છે કે નકલી, જી હાં અમે આજે તમને નકલી દૂધના (Fake Milk) કાળા કારોબાર વિશે જણાવવા જઈ રહ્યા છીએ. થોડા દિવસ પહેલા સાબરકાંઠામાં આવેલા પ્રાતિંજના (Prantij) સલાલમાં ડિટર્જન્ટ (Detergent) અને યુરિયા (urea) ખાતર વડે નકલી દૂધ બનાવાના કાળા કારોબારનો પર્દાફાશ થયો હતો. આ લોકો દૂધ બનાવી નાની નાની ડેરીઓમાં સપ્લાય કરતા હોવાનું પણ તપાસમાં સામે આવ્યું હતું. ત્યારે આ કાળા કારોબારના મુખ્ય આરોપી રાકેશ પટેલ (Rakesh Patel) ઉર્ફે ધમાને પોલીસે કોર્ટમાં હાજર કરી 10 દિવસના રિમાન્ડ માંગ્યા હતા.
Sabarkantha: ડિટર્જન્ટ અને યુરિયાથી બનતું હતું દૂધ! | Gujarat First
સાબરકાંઠામાં નકલી દૂધ બનાવતી ફેક્ટરી ઝડપાઈ
પ્રાંતિજના સલાલમાં ડિટર્જન પાવડર અને યુરિયાથી બનાવતા હતા દૂધ
હાનિકારક દૂધ તૈયાર કરીને બજારમાં વેચાણ થતુ હોવાનો પર્દાફાશ
પોલીસે ફૂડ એન્ડ ડ્રગ્સ વિભાગને સાથે રાખી પાડ્યા… pic.twitter.com/xYObJPi6Qu— Gujarat First (@GujaratFirst) February 6, 2026
મુખ્ય આરોપીના 2 દિવસના રિમાન્ડ મંજૂર
નકલી દૂધ (Fake Milk) બનાવનાર મુખ્ય આરોપીને આજે પોલીસ દ્વારા કોર્ટમાં હાજર કરવામાં આવ્યો હતો અને આરોપીના કોર્ટે 2 દિવસના રિમાન્ડ મંજૂર કર્યા હતા. રાકેશ પટેલ નકલી દૂધનો કાળો કારોબાર ચલાવતો હોવાનું સામે આવ્યું હતુ, ડિટર્જન્ટ (Detergent) અને યુરિયા (urea) ખાતર વડે નકલી દૂધ બનાવતો હોવાની વિગતો સામે આવી હતી. આ દૂધ નાની ડેરીઓ સહિત વિવિધ જગ્યા પર સપ્લાય કરતો હોવાનું પણ સામે આવ્યું હતું. ડિટર્જન્ટ અને યુરિયાના નકલી દૂધ સપ્લાય નેટવર્કનો પર્દાફાશ થવાની સંભાવના છે. રિમાન્ડ દરમિયાન આ દૂધ કોને વેંચવામાં આવતુ હતું અને અત્યાર સુધી કઈ કઈ જગ્યા પર વેચ્યું છે તે અંગે પણ અનેક ખુલાસાઓ થઈ શકે છે.
ક્યાંથી પકડાયું હતુ Fake Milk
સાબરકાંઠાના (Sabarkantha) પ્રાંતિજની LCB પોલીસે, બાતમીના આધારે સલાલ ગામે દરોડા પાડી, ડિટર્જન્ટ પાવડર અને યુરિયા ખાતરથી દૂધ બનાવતી ફેક્ટરી ઝડપી પાડી હતી.. ફેકટરીમાંથી બનાવટી આરોગ્ય માટે જોખમી એવુ કૃત્રિમ દૂઘ (Fake Milk)બનાવવા માટે વપરાતો ડિટર્જન્ટ પાવડર અને યુરિયા ખાતર સાથે પામોલીન તેલ, સોયાબીન તેલ, કોસ્ટીક સોડા અને દૂધ પાવડરનો જથ્થો મોટી માત્રામાં પકડાયો હતો. આરોપીઓ બનાવટી દૂધ બનાવવા માટે ડિટર્જન્ટ પાઉડર, યુરિયા ખાતર સાથે પામોલીન તેલ, સોયાબીન તેલ, કોસ્ટીક સોડા અને દૂધના પાવડરનો ઉપયોગ કરતા હતા.LCBએ આશરે 71 લાખ રૂપિયાનો મુદ્દામાલ જપ્ત કરવામાં આવ્યો છે. આરોપીઓ દ્વારા યુરિયા, સોયાબીન અને પામોલિન તેલ, વે પ્રોટીન પાવડર અને કોષ્ટિક સોડાથી રોજનું રોજ 1800 લીટર નકલી દૂધ બનાવવામાં આવતું હતું. ફેકટરીમાંથી મળી આવેલા રોકોર્ડસની ખરાઈ કરતા સામે આવ્યું છે કે આશરે 300 લીટર અસલી દૂધ ખરીદવામાં આવતું હતું અને ત્યારબાદ તેમાં ભેળસેળ કરીને 1800 લીટર નકલી દૂધ બનાવી આસપાસના ગામોમાં વેચવામાં આવતું હતું.
ઘરે યુરિયાની તપાસ કેવી રીતે કરવી
ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયાના ફૂડ ઇન્સ્પેક્ટર એસકે ઝા કહે છે કે થોડું દૂધ લો, તેમાં સોયાબીન અથવા તુવેર ઉમેરો અને થોડીવાર માટે રહેવા દો. જો રંગ આછો ગુલાબી કે જાંબલી થઈ જાય, તો સમજો કે તેમાં યુરિયા ભેળવવામાં આવ્યું છે.
આ પણ વાંચો : Patan : ઠાકોર સમાજનું બંધારણ તોડવા બદલ ભાજપના પૂર્વ જિલ્લા પ્રમુખને 1.51 લાખનો દંડ
આ પણ વાંચો : Sabarkantha: હિંમતનગર પાલિકાની ‘ડેસ્ટિનેશન બજેટ સભા’, 35 કિમી દૂર મોંઘાદાટ રિસોર્ટમાં જમણવાર-જલસા વચ્ચે બજેટ સભા!