Electricity Saving: સચિવાલયમાં વીજ બચત માટે નવું ફરમાન, AC માટે 24 ડિગ્રી, અન્ય વીજ ઉપકરણો માટે કડક સૂચનાઓ જાહેર

ગુજરાત સરકાર દ્વારા સચિવાલય સંકુલમાં વીજળીનો વપરાશ ઘટાડવા અને ઊર્જા સંરક્ષણ (Energy Conservation) માટે એક મહત્વપૂર્ણ નિર્ણય લેવામાં આવ્યો છે. વહીવટી તંત્ર દ્વારા તમામ સરકારી કચેરીઓમાં (Government Offices) વીજ બચત અંગેની સૂચનાઓનું કડક અમલીકરણ કરવા નિર્દેશ આપવામાં આવ્યો છે, જેનો મુખ્ય ઉદ્દેશ્ય જાહેર સંસાધનોનો સમજદારીપૂર્વક ઉપયોગ કરવાનો છે.

AC અને વીજ ઉપકરણો પર વિશેષ નિયંત્રણ

સરકાર દ્વારા જાહેર કરવામાં આવેલી નવી ગાઈડલાઈન્સ મુજબ, અધિકારીઓની ચેમ્બર (Officer Chamber), મિટિંગ રૂમ (Meeting Room) અને સર્વર રૂમ (Server Room) માં જરૂરિયાત મુજબ જ એર કંડિશનર (AC) ચલાવવાની સૂચના અપાઈ છે. ઉર્જા બચાવવા માટે ACનું તાપમાન સ્ટાન્ડર્ડ મુજબ 24 ડિગ્રી સેલ્સિયસ પર સેટ રાખવા ખાસ તાકીદ કરવામાં આવી છે. આ ઉપરાંત, તમામ કચેરીઓમાં જ્યારે જરૂર ન હોય ત્યારે લાઈટ, પંખા અને અન્ય વીજ ઉપકરણો (Electrical Appliances) તરત જ બંધ રાખવા માટે કર્મચારીઓને સજાગ રહેવા જણાવાયું છે.

સચિવાલય સંકુલમાં 'વીજ બચત' માટે સરકારની મહત્ત્વપૂર્ણ સૂચના

સચિવાલય સંકુલમાં વીજ બચત માટે સરકારે કર્મચારીઓ અને અધિકારીઓને કેટલીક સૂચનાઓ જાહેર કરી છે. તમામ કચેરીઓમાં વીજ ઉપકરણો જરૂર ન હોય ત્યારે બંધ રાખવા, ચેમ્બર, મિટિંગ રૂમ અને સર્વર રૂમમાં જરૂરિયાત મુજબ જ AC ચલાવવા, AC નું… pic.twitter.com/8W19rioxMW

— Gujarat First (@GujaratFirst) May 27, 2026

દૈનિક દિનચર્યામાં સાદગીનો આગ્રહ

વીજળીનો બચાવ માત્ર ઉપકરણો પૂરતો મર્યાદિત નથી, પરંતુ તેની સાથે કાર્યપદ્ધતિમાં પણ ફેરફાર કરવામાં આવ્યા છે. દિવસ દરમિયાન કુદરતી પ્રકાશનો વધુમાં વધુ ઉપયોગ થાય તેવું આયોજન કરવા અને વોટર કુલર (Water Cooler) સવારે 9 વાગ્યા પછી શરૂ કરી સાંજે 6 વાગ્યા પછી બંધ રાખવા સૂચના આપવામાં આવી છે. આ સાથે જ, કર્મચારીઓને લિફ્ટનો મર્યાદિત ઉપયોગ કરવા અને સીડીઓનો મહત્તમ ઉપયોગ કરવા પ્રોત્સાહિત કરવામાં આવ્યા છે. આ નિર્ણયથી સરકારી તિજોરી પરના આર્થિક બોજમાં ઘટાડો થશે અને પર્યાવરણ પ્રત્યેની જવાબદારીનું પણ જતન થશે. સચિવાલયના તમામ વિભાગોને આ સૂચનાઓનું ચુસ્તપણે પાલન કરવા તાકીદ કરવામાં આવી છે.

આ પણ વાંચો: અમેરિકા સાથે ડીલ ફાઇનલ હોવાનો ઈરાનનો મોટો દાવો, હોર્મુઝ સ્ટ્રેટ ખોલવા માટે સમજૂતીનો ડ્રાફ્ટ તૈયાર