Somnath: દર્શને આવેલા પ્રવાસીઓ સાથે મોટી દુર્ઘટના, જયપુરના 9 બાળકોને ફૂડ પોઈઝનિંગની આશંકાથી મચ્યો હડકંપ

જમ્યાબાદ બાળકોની તબિયત લથડી હતી

મળતી પ્રાથમિક વિગતો અનુસાર, આ તમામ બાળકોને સોમનાથ પહોંચ્યા બાદ અચાનક પેટમાં અસહ્ય દુખાવો, ઊલટી અને ઊબકા આવવાની ફરિયાદો શરૂ થઈ હતી. પૂછપરછ દરમિયાન સામે આવ્યું છે કે, આ પ્રવાસીઓએ શ્રી સોમનાથ સ્વદેશી હાટ (Somnath Swadeshi Haat) માં પ્રખ્યાત સ્થાનિક ફૂડ આરોગ્યું હતું. આ ખોરાક લીધાના ગણતરીના કલાકોમાં જ બાળકોની તબિયત એકપછી એક બગડવા લાગી હતી, જેથી દૂષિત ખોરાકના કારણે આ સ્થિતિ સર્જાઈ હોવાનું પ્રાથમિક દ્રષ્ટિએ માનવામાં આવે છે.

Somnath: તાત્કાલિક અસરથી હોસ્પિટલમાં દાખલ કરાયા

બાળકોની સ્થિતિ જોતાં જ તેમને તાત્કાલિક અસરથી નજીકના પ્રભાસ પાટણ સામૂહિક આરોગ્ય કેન્દ્ર (Prabhas Patan CHC) ખાતે સારવાર અર્થે ખસેડવામાં આવ્યા હતા. હોસ્પિટલના તબીબોની વિશેષ ટીમ દ્વારા તાત્કાલિક ધોરણે તમામ બાળકોની સારવાર શરૂ કરી દેવામાં આવી હતી. આ મામલે હોસ્પિટલના ફરજ પરના ડોક્ટરે સત્તાવાર નિવેદન આપતા જણાવ્યું છે કે, હાલ તમામ બાળકોની તબિયત સંપૂર્ણપણે સ્થિર (Children Health Stable) છે અને ચિંતા જેવું કોઈ કારણ નથી. જો કે, પવિત્ર યાત્રાધામના ફૂડ સ્ટોલ પર બનેલી આ ઘટનાને પગલે ફૂડ એન્ડ ડ્રગ્સ વિભાગ આગામી સમયમાં તપાસના ચક્રો ગતિમાન કરે તેવી પૂરેપૂરી સંભાવના છે.

આ પણ વાંચો: Gandhinagar: અમિતભાઈ શાહની અધ્યક્ષતામાં બેઠક , વિવિધ સરકારી યોજનાઓના અમલીકરણ અંગે ચર્ચા