Ahmedabad: સુભાષ બ્રિજમાં 5 સ્પાનનું ડિમોલિશન, અગાઉ પણ 3 સ્પાન તોડવામાં આવ્યા હતા

મુખ્ય હિસ્સાને દૂર કરવામાં આવ્યો

આ કામગીરીમાં સુરક્ષાને પ્રાધાન્ય આપવામાં આવ્યું છે. તમામ કામગીરી નિષ્ણાતો (Structural Experts) ની દેખરેખ હેઠળ કોન્ટ્રાક્ટરની ટીમ દ્વારા હાથ ધરવામાં આવી હતી, જેથી આસપાસના વિસ્તાર કે કોઈ અન્ય માળખાને નુકસાન ન પહોંચે. અગાઉ પણ તબક્કાવાર રીતે 3 સ્પાન તોડી પાડવામાં આવ્યા હતા, જે બાદ હવે આ મુખ્ય હિસ્સાને દૂર કરવામાં આવ્યો છે.

Subhash Bridge Demolition: આ બ્રિજને નવેસરથી બનાવવાનો નિર્ણય

સુભાષ બ્રિજ અમદાવાદના સૌથી જૂના બ્રિજોમાંનો એક છે. સમય જતાં તેની મજબૂતી અને ક્ષમતાને ધ્યાનમાં રાખીને તંત્ર દ્વારા આ બ્રિજને નવેસરથી બનાવવાનો નિર્ણય લેવામાં આવ્યો છે. ડિમોલિશનની આ કામગીરી પૂર્ણ થયા બાદ આધુનિક ટેકનોલોજીથી નવા બ્રિજનું નિર્માણ શરૂ કરવામાં આવશે, જે આગામી સમયમાં ટ્રાફિકની સમસ્યા હળવી કરવામાં મદદરૂપ થશે. હાલમાં, આ વિસ્તારમાં કામગીરી દરમિયાન વાહનચાલકો માટે ડાયવર્ઝન પણ લાગુ કરવામાં આવ્યા છે.

આ પણ વાંચો: Gir Somnath: વેરાવળ દરિયા કિનારે કરુણ દુર્ઘટના, મિત્રને બચાવવા જતાં યુવતીએ જીવ ગુમાવ્યો