Surat: સુમુલ ડેરીની ચૂંટણીમાં ખળભળાટ, કોંગ્રેસ ઉમેદવારના દરખાસ્તકર્તા 3 દિવસથી ગુમ

રવિન્દ્ર વસાવા છેલ્લા 3 દિવસથી અચાનક ગુમ

મળતી વિગતો મુજબ, સુમુલ ડેરીની ઉમરપાડા બેઠક (Umarpada Seat) પરથી કોંગ્રેસ પ્રેરિત ઉમેદવાર સોનજીભાઈ વસાવાએ પોતાનું ફોર્મ ભર્યું છે. આ ફોર્મમાં તેમના સત્તાવાર દરખાસ્તકર્તા તરીકે રવિન્દ્ર ગુમાનભાઈ વસાવા (Ravindra Gumanbhai Vasava) એ સહી કરી હતી. જો કે, દરખાસ્ત મૂક્યા બાદ રવિન્દ્ર વસાવા છેલ્લા ૩ દિવસથી અચાનક ગુમ થઈ ગયા છે. આ મામલે કોંગ્રેસ ધારાસભ્ય દળના નેતા ડૉ. તુષાર ચૌધરી (Tushar Chaudhary Congress) એ એક ગંભીર અને સળગતું નિવેદન જાહેર કર્યું છે.

Surat:તુષાર ચૌધરીના આકરા પ્રહાર

તુષાર ચૌધરીએ શાસક પક્ષ અને વિરોધીઓ પર આડકતરા પ્રહારો કરતા આક્ષેપ કર્યો છે કે, રવિન્દ્ર વસાવાને તેમના ઘરેથી બળજબરીપૂર્વક ઉઠાવી જવામાં આવ્યા છે એટલે કે તેમનું અપહરણ કરવામાં આવ્યું હોવાની આશંકા છે. તેમણે સ્પષ્ટ શબ્દોમાં જણાવ્યું છે કે કોંગ્રેસ પક્ષ આ સમગ્ર પ્રકરણને સાંખી નહીં લે અને આ મામલે વહેલી તકે પોલીસ ફરિયાદ (Police Complaint) દાખલ કરવામાં આવશે. ઉલ્લેખનીય છે કે આગામી ૪ જુલાઈના રોજ ઉમેદવારી ફોર્મ પરત ખેંચવાનો અંતિમ દિવસ (Form Withdrawal Deadline) છે, તે પહેલાં દરખાસ્તકર્તાનું આ રીતે ગાયબ થવું એ ચૂંટણીના સમીકરણો બદલવાનો પ્રયાસ હોઈ શકે છે.

આ પણ વાંચો: Gandhinagar: અમિતભાઈ શાહની અધ્યક્ષતામાં બેઠક , વિવિધ સરકારી યોજનાઓના અમલીકરણ અંગે ચર્ચા