Surat Fake Demolition Case: નકલી ડિમોલિશન કેસમાં હાઈકોર્ટે SMC ના વકીલને ફટકારી નોટિસ

Surat: કોર્ટે કેમ ફટકારી નોટિસ?

કોર્ટના મતે, આ સમગ્ર પ્રક્રિયામાં ગંભીર ખામીઓ અને ગેરરીતિઓ જણાઈ રહી છે. નકલી ડિમોલિશન જેવી સંવેદનશીલ બાબતમાં જવાબદાર અધિકારીઓ અને પાલિકાના વકીલની ભૂમિકા શંકાસ્પદ જણાતા હાઈકોર્ટે આ સમન્સ પાઠવ્યા છે. આગામી દિવસોમાં હાઈકોર્ટ આ મામલે વધુ કડક કાર્યવાહી કરે તેવી પૂરેપૂરી શક્યતા છે. આ કેસ હવે સુરત પાલિકા માટે મોટી મુસીબત બની શકે છે.

હાલમાં આ મામલો ગુજરાત હાઈકોર્ટમાં

હાલમાં આ મામલો ગુજરાત હાઈકોર્ટ (Gujarat High Court) સુધી પહોંચ્યો છે, જેમાં સુરત મહાનગરપાલિકા પોતે એક પક્ષકાર તરીકે જોડાયેલી છે. કમિશનરે જણાવ્યું છે કે, હાલ હાઈકોર્ટમાં મેટર પેન્ડિંગ હોવાથી વધુ ટિપ્પણી કરવી યોગ્ય નથી. જે પણ પુરાવાઓ રજૂ કરવાના થશે તે કોર્ટમાં આપવામાં આવશે અને ન્યાયતંત્ર જે પણ ચુકાદો આપશે તેનું પાલિકા દ્વારા ચુસ્તપણે પાલન કરવામાં આવશે. આ ઘટનાએ શહેરી વિકાસ અને દબાણ હટાવવાની નીતિઓ પર અનેક પ્રશ્નો ખડા કરી દીધા છે.

આ પણ વાંચો: Somnath Temple PIL: સોમનાથ મંદિર વિવાદ કેસમાં હાઈકોર્ટે PIL ફગાવી, અરજદારને 2 લાખનો દંડ ફટકારાયો