Surat: ફાયર બ્રિગેડના જવાનો દેવદૂત બન્યા, કાપોદ્રા બ્રિજ પરથી તાપી નદીમાં કૂદેલા યુવકનો આબાદ બચાવ
- Surat ના કાપોદ્રા બ્રિજ પરથી યુવકે તાપીમાં લગાવી છલાંગ
- 25 વર્ષીય યુવકે અગમ્ય કારણોસર તાપીમાં કર્યો આપઘાતનો પ્રયાસ
- રાહદારીઓએ ફાયર બ્રિગેડ અને પોલીસને ત્વરિત જાણ કરી
- ફાયરના જવાનોએ રિંગ બોયાની મદદથી યુવકનો જીવ બચાવ્યો
- રેસ્ક્યુ બાદ યુવકને અશ્વિનીકુમાર પોલીસ મથકે સોંપવામાં આવ્યો
- પોલીસ દ્વારા આપઘાતના પ્રયાસનું કારણ જાણવા તપાસ શરૂ
Surat: ડાયમંડ સિટી સુરતમાં રવિવારે એક હૃદયદ્રાવક ઘટના સામે આવી હતી, જેમાં એક યુવકે જીવન ટૂંકાવવા માટે તાપી નદી (Tapi River) માં મોતની છલાંગ લગાવી હતી. જોકે, ઘટનાની જાણ થતા જ સુરત ફાયર બ્રિગેડ (Surat Fire Brigade) ના જવાનોએ ગણતરીની મિનિટોમાં સ્થળ પર પહોંચી યુવકને સહી-સલામત બહાર કાઢી લેતા તેની જિંદગી બચી ગઈ છે.
Surat: યુવકે મોતની છલાંગ લગાવી
મળતી માહિતી મુજબ, 25 વર્ષીય એક યુવકે કોઈ અગમ્ય કારણોસર શહેરના કાપોદ્રા બ્રિજ (Kapodra Bridge) પરથી તાપી નદીના પ્રવાહમાં કૂદીને આપઘાતનો પ્રયાસ (Attempt to Suicide) કર્યો હતો. યુવકને નદીમાં કૂદતો જોઈ ત્યાંથી પસાર થતા રાહદારીઓ સ્તબ્ધ થઈ ગયા હતા અને તુરંત જ ફાયર બ્રિગેડ તેમજ પોલીસ (Surat Police) ને જાણ કરી હતી.
સુરતમાં કાપોદ્રા બ્રિજ પરથી યુવકે તાપીમાં લગાવી છલાંગ
25 વર્ષીય યુવકે અગમ્ય કારણોસર કર્યો આપઘાતનો પ્રયાસ
રાહદારીઓએ યુવકને નદીમાં જોતા તંત્રને કરી તાત્કાલિક જાણ
કાપોદ્રા અને મોટા વરાછાની ફાયર ટીમ ઘટનાસ્થળે પહોંચી
ફાયરના જવાનોએ બાદ યુવકને નદીમાંથી બહાર કાઢ્યો
ફાયર બ્રિગેડની… pic.twitter.com/QvQqs7Ul5I— Gujarat First (@GujaratFirst) April 20, 2026
યુવકને ફાયર વિભાગે બચાવ્યો
ઘટનાની ગંભીરતાને જોતા મોટા વરાછા અને કાપોદ્રા ફાયર સ્ટેશન (Fire Station) ના જવાનો રિંગ બોયા અને લાઈફ જેકેટ સહિતના રેસ્ક્યુ સાધનો સાથે ઘટનાસ્થળે દોડી ગયા હતા. ફાયરના સાહસિક જવાનોએ તાપી નદીના ઊંડા પાણીમાં ઉતરીને ડૂબી રહેલા યુવકને સફળતાપૂર્વક રેસ્ક્યુ (Rescue Operation) કરી બહાર કાઢ્યો હતો.
યુવકને સારવાર અર્થે દાખલ કરાયો
બહાર કાઢ્યા બાદ યુવકની શારીરિક તપાસ કરવામાં આવી હતી અને તેને અશ્વિનીકુમાર પોલીસને સોંપવામાં આવ્યો હતો. આ યુવકે કયા કારણોસર આટલું આત્યંતિક પગલું ભર્યું તે હજુ જાણી શકાયું નથી. હાલમાં પોલીસે યુવકના પરિવારનો સંપર્ક કરી તેના આપઘાતના પ્રયાસ પાછળના કારણો જાણવા માટે તપાસ શરૂ કરી છે. ફાયર બ્રિગેડની આ ત્વરિત કાર્યવાહીને સ્થાનિક લોકોએ બિરદાવી હતી.
આ પણ વાંચો: Jashpur Plane Crash: છત્તીસગઢના જશપુરમાં ચાર્ટર્ડ પ્લેન ક્રેશ,ભીષણ આગમાં વિમાન બળીને ખાખ