Surat: માનવ સ્વાસ્થ્ય સાથે ચેડાં, 6 સંસ્થાના ઘી, પનીર સહિતના નમૂના ફેલ થયા
Surat: સુરતમાંથી લોકોના સ્વાસ્થ્ય સાથે ચેડાં કરતી 6 સંસ્થાઓ પકડાઈ છે. પાલિકાના આરોગ્ય વિભાગે લીધેલા ઘી, પનીર, ચીઝના નમૂના ફેલ થયા છે. જેથી ભેળસેળિયા વેપારીઓ સામે કાર્યવાહી હાથ ધરાઈ છે.
Advertisement
- સુરત(Surat)માં નકલીની ભરમાર વચ્ચે પાલિકાનો વધુ એક સપાટો
- 6 સંસ્થાઓમાંથી લેવામાં આવેલા પનીર, ઘી, ચીઝના નમૂના ફેલ
- આરોગ્ય અને ફૂડ વિભાગે શંકાસ્પદ 33 કિલો ચીઝનો જથ્થો સીઝ કર્યો
- કસૂરવાર સંસ્થાઓ સામે કોર્ટ સમક્ષ ફરીયાદ દાખલ કરવા તજવીજ
- છેલ્લા એક અઠવાડિયામાં શહેરની 150 જેટલી સંસ્થાઓમાં તપાસ
Surat News:ગુજરાતભરમાં વારંવાર નકલી ખાદ્ય વસ્તુઓ પકડાઈ રહી છે. લોકોના સ્વાસ્થ્ય(Health) સાથે ચેડા કરવામાં આવી રહ્યા છે. ત્યારે સુરત(Surat)ની 6 સંસ્થમાંથી લેવામાં આવેલા ઘી, પનીર, ચીઝ સહિતના નમૂના ફેલ થતાં લોકો સાથે થતી છેતરપીંડી બહાર આવી છે. જેથી ભેળસેળ કરતી સંસ્થાઓ સામે કાર્યવાહી કરવામાં આવી છે.
સુરત(Surat) શહેરમાં નકલીની ભરમાર વચ્ચે પાલિકાનો વધુ એક સપાટો બોલાવ્યો છે. છેલ્લા એક અઠવાડિયામાં શહેરની 150 જેટલી સંસ્થાઓમાં તપાસ કરવામાં આવી હતી. અલગ અલગ સંસ્થાઓમાંથી લેવામાં આવેલ સેમ્પલ તપાસ માટે મોકલાયા હતા. જેમાંથી આ 6 સંસ્થાઓના સેમ્પલ ફેલ થયા છે.