Surat: ઓલપાડમાં કરોડોના જમીન કૌભાંડનો આક્ષેપ , કરોડોની જમીન સસ્તામાં પડાવી લેવાના ષડયંત્રનો દાવો

મંડળીની કિંમતી જમીન પર માથાભારે તત્વોની નજર

ખેડૂતોનો આક્ષેપ છે કે, આ મંડળીની કિંમતી જમીન પર છેલ્લા બે વર્ષથી રાજકીય વગ ધરાવતા કેટલાક માથાભારે તત્વોની નજર છે. કરોડો રૂપિયાની બજાર કિંમત ધરાવતી આ જમીન માત્ર 6 લાખ રૂપિયા પ્રતિ વીઘા (Rs 6 Lakh Per Bigha) ના નજીવા ભાવે ખેડૂતો પાસેથી પડાવી લેવા માટે મંડળીના પ્રમુખ, મેનેજર અને વચેટિયાઓ દ્વારા ખેડૂતોને ડરાવવામાં અને ધમકાવવામાં આવી રહ્યા છે. મંડળીના સભ્યો અને ખેડૂતો વર્ષોથી અહીં ગણોત પેટે ખેતી (Tenant Farming) કરીને પોતાનું ગુજરાન ચલાવે છે. આક્ષેપ એવો છે કે, ગરીબ ખેડૂતો પાસેથી સસ્તામાં જમીન આંચકીને તેને એક ખાનગી કંપનીને અબજો રૂપિયામાં વેચવાની મોટી પેરવી (Plot to Sell Corporate Company) ચાલી રહી છે.

Surat: મુકેશ સોની નામના  વચેટિયાનું નામ પણ ઉછળ્યું

આ પ્રકરણમાં મુકેશ સોની (Mukesh Soni) નામના એક વચેટિયાનું નામ પણ ઉછળ્યું છે, જે ખેડૂતોને ગાંધીનગર સુધી પોતાની મોટી પહોંચ હોવાની ધમકીઓ આપી રહ્યો છે. કલેક્ટર (Surat Collector) અને મંડળીના રજીસ્ટ્રારને પુરાવા સાથે લેખિત ફરિયાદ કરવા છતાં કોઈ જ નક્કર પગલાં ન લેવાતા આખરે ખેડૂતોએ ગુજરાત હાઈકોર્ટ (Gujarat High Court) ના દ્વાર ખખડાવવાની ચીમકી ઉચ્ચારી છે. બીજી તરફ, ગણોતિયા મંડળીએ આ તમામ આક્ષેપોને તદ્દન પાયા વિહોણા (Allegations Baseless) ગણાવ્યા છે. મંડળીનું કહેવું છે કે, કોઈ જમીન વેચાણ થઈ રહ્યું નથી, પરંતુ માત્ર વારસદારોના નામ અપડેટ (Updating Heirs Records) કરવાની કાયદેસરની પ્રક્રિયા ચાલી રહી છે અને ખોટા આક્ષેપો કરનારાઓ સામે ભવિષ્યમાં કાયદાકીય કાર્યવાહી કરવામાં આવશે.

આ પણ વાંચો: Surat: સુમુલ ડેરીની ચૂંટણીમાં ખળભળાટ, કોંગ્રેસ ઉમેદવારના દરખાસ્તકર્તા 3 દિવસથી ગુમ