Surat: સચિનમાં રખડતા શ્વાનોએ 5 વર્ષીય બાળકને ફાડી ખાધો, હાલત ગંભીર
- Surat ના સચિન વિસ્તારમાં બાળક પર શ્વાનોનો હુમલો(Surat Dogs Attack on Child)
- 20 વધુ બચકા ભરી લેતાં 5 વર્ષિય બાળકની હાલત ગંભીર
- બાળક પર હુમલો થતાં પરિવાર અને સ્થાનિકોમાં રોષ
- લિકાની રસીકરણ અને ખસીકરણની કામગીરી સામે સવાલ
Surat Dogs Attack on Child: ગુજરાતમાં અમદાવાદ સહિત અનેક શહેરોમાં વારંવાર શ્વાનોના હુમલાઓની ઘટના બની રહી છે. ત્યારે હવે સુરત(Surat) શહેરમાં રખડતા શ્વાનોનોએ 5 વર્ષના બાળક પર હુમલો કર્યો છે. આજે સચિન GIDC વિસ્તારમાં આ હૃદયદ્રાવક ઘટના બની છે. માત્ર 5 વર્ષના માસૂમ શિવાય રાજેશ પ્રજાપતિ પર ચારથી પાંચ રખડતા શ્વાનોએ એકસાથે જીવલેણ હુમલો કર્યો હતો. શ્વાનોએ બાળકનું માથું ફાડી નાખ્યું અને શરીરના વિવિધ ભાગો પર 20થી વધુ વાર બચકાં ભર્યા હતા. લોહીલુહાણ હાલતમાં બાળકને તાત્કાલિક સુરત સિવિલ હોસ્પિટલમાં ખસેડવામાં આવ્યો છે, જ્યાં તેની હાલત અત્યંત ગંભીર જણાવવામાં આવી રહી છે.
સ્થાનિકોએ બાળકને છોડાવ્યો
મળતી માહિતી મુજબ, શિવાય તેના પિતા રાજેશભાઈ પ્રજાપતિ સાથે ઈકો ડાયમંડ પાર્ક પાસે આવેલી એક કંપનીની બહાર ઊભો હતો. અચાનક રખડતા શ્વાનોનું ટોળું તેના પર ત્રાટક્યું. શ્વાનોએ બાળકને જમીન પર પછાડી દીધો અને બચકા ભરી લીધા. બાળકનો અવાજ સાંભળીને આસપાસના લોકો અને કંપનીના કર્મચારીઓ દોડી આવ્યા અને લાકડીઓ તથા પથ્થરો મારીને મહામહેનતે શ્વાનોને હાંકી કાઢ્યા. પરંતુ ત્યાં સુધીમાં બાળકને ગંભીર ઈજાઓ થઈ ચૂકી હતી.
Surat : સુરત શહેરમાં રખડતા શ્વાનનો ફરી આતંક
સચિન વિસ્તારમાં બાળક પર શ્વાનોનું ઝુંડ તૂટી પડ્યું
પાંચ વર્ષના બાળક પર ચારથી પાંચ જેટલા શ્વાનોએ કર્યો હુમલો
ગંભીર રીતે ઇજાગ્રસ્ત બાળકને નવી સિવિલ હોસ્પિટલ ખસેડાયો
બાળકના માથા સહિત શરીર પર 20થી વધુ ગંભીર ઇજાના નિશાન#Gujarat #Surat… pic.twitter.com/HwYyN78tdA— Gujarat First (@GujaratFirst) November 23, 2025
સ્થાનિકોમાં રોષ
આ ઘટના બાદ સચિન GIDC અને આસપાસના વિસ્તારોમાં ભારે રોષ ફેલાયો છે. પાલિકાની રસીકરણ અને ખસીકરણની કામગીરી સામે પણ ફરી સવાલ ઊઠ્યા છે. લોકોની મુખ્ય માંગ છે કે રખડતા શ્વાનોને તાત્કાલિક પકડીને નસબંધી કરવામાં આવે અને આવા હુમલાઓ માટે જવાબદાર અધિકારીઓ સામે કાર્યવાહી થાય.
આ પણ વાંચોઃ Surat: ‘ફિલ્મી દુનિયામાં તારું નામ થઈ જશે’, કહીને કરોડોની ઠગાઈ કરનાર યુવક-યુવતી ઝડપાયા
આ પણ વાંચોઃ Ahmedabad: એક્ટિવા પાર્ક કરી રહેલા યુવકને શ્વાન કરડ્યું, CCTV વાયરલ