Surat: હીટવેવ સામે સરથાણા પ્રાણી સંગ્રહાલય સજ્જ, પશુઓ માટે કુલર-વોટર ટગ મુકાયા

• Surat ના સરથાણા પ્રાણી સંગ્રહાલયમાં વન્યજીવો માટે 'કૂલ' આયોજન
• હીટવેવની આગાહી વચ્ચે વન્યજીવો માટે વિશેષ વ્યવસ્થા
• ગરમીથી બચાવવા પાંજરામાં ફુવારા અને કુલર મુકાયા
• વાઘ અને રીંછ સહિતના પ્રાણીઓ માટે વોટર ટગ તૈયાર
• શહેર કરતા ઝૂમાં તાપમાન 2 ડિગ્રી જેટલું ઓછું નોંધાયું
• કાળઝાળ ગરમીમાં વન્યજીવો ફુવારાની મજા માણતા જોવા મળ્યા

સુરત (Surat) શહેરમાં હાલ કાળઝાળ ગરમીનો પ્રકોપ (Extreme Heat) યથાવત જોવા મળી રહ્યો છે. હવામાન વિભાગ દ્વારા હીટવેવની આગાહી (Heatwave Forecast) કરવામાં આવી છે, ત્યારે સુરતના પ્રખ્યાત સરથાણા પ્રાણી સંગ્રહાલય (Sarthana Nature Park) ખાતે વન્યજીવોને ગરમીથી બચાવવા માટે વહીવટી તંત્ર દ્વારા વિશેષ અને આધુનિક વ્યવસ્થાઓ કરવામાં આવી છે.

પ્રાણીઓને લૂ અને ગરમીથી બચાવા એક્શન પ્લાન

શહેરના અન્ય વિસ્તારોની સરખામણીએ સરથાણા પ્રાણી સંગ્રહાલયમાં ગીચ વનસ્પતિને કારણે તાપમાન અંદાજે 2 ડિગ્રી જેટલું નીચું રહે છે, તેમ છતાં પ્રાણીઓને લૂ અને ગરમીથી સુરક્ષિત રાખવા માટે ખાસ એક્શન પ્લાન (Action Plan) તૈયાર કરાયો છે. અહીં વસતા વાઘ (Tiger), દીપડા (Leopard), અને રીંછ (Bear) જેવા પ્રાણીઓના પાંજરામાં ખાસ ફુવારા (Sprinklers) અને શક્તિશાળી કુલર (Coolers) લગાવવામાં આવ્યા છે.

Surat: દરેક પાંજરામાં વોટર ટગ લગાવાયા

પ્રાણી સંગ્રહાલયના સત્તાધીશો દ્વારા જણાવવામાં આવ્યું છે કે, ગરમીમાં પ્રાણીઓ બીમાર ન પડે તે માટે તેમના રહેઠાણના સ્થળે પાણીના ફુવારા સતત ચાલુ રાખવામાં આવે છે. આ ઉપરાંત, વન્યજીવો ઠંડા પાણીમાં સ્નાન કરી શકે તે માટે દરેક પાંજરામાં વોટર ટગ (Water Tubs) ની વ્યવસ્થા કરવામાં આવી છે. કાળઝાળ ગરમીમાં વન્યજીવો આ ફુવારા અને પાણીના કુંડમાં મજા માણતા જોવા મળી રહ્યા છે. વન્યજીવોના ખોરાકમાં પણ ઋતુ મુજબ ફેરફાર કરીને તેમને હાઇડ્રેટેડ રાખવાના પ્રયાસો કરવામાં આવી રહ્યા છે. આ વ્યવસ્થાને કારણે પ્રવાસીઓમાં પણ કુતૂહલ જોવા મળી રહ્યું છે કે કેવી રીતે વન્યજીવો આધુનિક સુવિધાઓ સાથે ગરમીનો સામનો કરી રહ્યા છે.

આ પણ વાંચો: Porbandar: મોતના મુખમાંથી યુવાનને ફાયર બ્રિગેડે બચાવ્યો, ઝડપી કામગીરીથી દુર્ઘટના ટળી