Surat: SBI બેંકમાં હથિયારધારી લૂંટારૂઓનો આતંક, 50 લાખની લૂંટથી હડકંપ
- Surat ની SBI બેંકમાં હથિયારધારી લૂંટારૂઓનો આતંક!
- કર્મચારીઓને ગન પોઈન્ટ પર બંધક બનાવી 50 લાખની લૂંટ
- મોઢે રૂમાલ બાંધી હથિયાર સાથે બેંકમાં ઘૂસ્યા હતા 4 લૂંટારૂઓ
- ઉચ્ચ પોલીસ અધિકારીઓ અને ક્રાઈમ બ્રાન્ચનો કાફલો સ્થળ પર
- લૂંટારૂઓની ઓળખ માટે પોલીસે CCTV ફૂટેજ મેળવી તપાસ તેજ કરી
- શહેરભરમાં સઘન નાકાબંધી, ગુનેગારોને પકડવા પોલીસે ચક્રો ગતિમાન કર્યા
Surat News: ડાયમંડ સિટી સુરતમાં આજે કાયદો અને વ્યવસ્થાની સ્થિતિ સામે સવાલ ઉઠાવતી એક મોટી ગુનાહિત ઘટના સામે આવી છે. શહેરની સ્ટેટ બેંક ઓફ ઈન્ડિયા (State Bank of India) ની શાખામાં ભરબપોરે ચાર હથિયારધારી લૂંટારૂઓ (Armed Robbers) ત્રાટક્યા હતા અને ગન પોઈન્ટ પર અંદાજે 50 લાખ રૂપિયાની લૂંટ ચલાવી ફરાર થઈ ગયા હતા.
હથિયાર બતાવી લૂંટ કરી
ઘટનાની વિગત મુજબ, ગ્રાહકોની અવરજવર વચ્ચે અચાનક મોઢે રૂમાલ બાંધેલા ચાર શખ્સો બેંકમાં પ્રવેશ્યા હતા. લૂંટારૂઓએ બેંકના કર્મચારીઓ અને ત્યાં હાજર ગ્રાહકોને હથિયાર બતાવી એક ખૂણામાં બંધક (Hostage) બનાવી દીધા હતા. લૂંટારૂઓએ અત્યંત ફિલ્મી ઢબે કેશિયર પાસેથી તમામ રોકડ પડાવી લીધી હતી. પ્રાથમિક અંદાજ મુજબ 50 લાખથી વધુની રકમની લૂંટ (Bank Heist) થઈ હોવાનું મનાય છે.
Surat ની SBI બેંકમાં ધોળે દિવસે હથિયારધારી લૂંટારૂઓનો આતંક; કર્મચારીઓને બંધક બનાવી 50 લાખની લૂંટ ચલાવી 4 લૂંટારૂઓ ફરાર, પોલીસે શહેરભરમાં સઘન નાકાબંધી કરી તપાસ તેજ કરી#SuratNews #SBIRobbery #BankLoot #ArmedRobbery #SuratPolice #CrimeNews #50LakhLoot #CCTVInvestigation… pic.twitter.com/hIf0Xs4JAA
— Gujarat First (@GujaratFirst) April 27, 2026
લૂંટારુઓને પકડવા Surat પોલીસ સજ્જ
લૂંટારૂઓ ફરાર થતા જ બેંક મેનેજરે પોલીસને જાણ કરી હતી. ઘટનાની ગંભીરતા જોતા સુરત પોલીસના ઉચ્ચ અધિકારીઓ (Top Police Officials) સહિત ક્રાઈમ બ્રાન્ચની ટીમ તાત્કાલિક સ્થળ પર પહોંચી હતી. પોલીસે બેંકના CCTV ફૂટેજ કબજે કરી લૂંટારૂઓની ઓળખ કરવાના ચક્રો ગતિમાન કર્યા છે. આ સાથે જ શહેરના પ્રવેશ અને નિકાસ દ્વાર પર સઘન નાકાબંધી (Blockade) ગોઠવી દેવામાં આવી છે જેથી ગુનેગારોને ઝડપી પાડી શકાય.
આ પણ વાંચો; 44 Degree Temperature: અમદાવાદ બન્યું અગનગોળો: સિવિલ હોસ્પિટલ હાઈ એલર્ટ! બાળકો અને વૃદ્ધો રાખજો ખાસ સાવચેતી!