Surat: ઉધના રે. સ્ટેશનનો સનસનાટીભર્યો વીડિયો વાયરલ, પોલીસ મુસાફરો સાથે મારપીટ કરતી હોવાનો આક્ષેપ

નિર્દોષ યાત્રીઓ સાથે અમાનવીય વર્તન

પ્રાથમિક વિગતો મુજબ, ઉધના રેલવે સ્ટેશન પરથી પરપ્રાંતીય અને સ્થાનિક મુસાફરોની ભારે અવરજવર રહેતી હોય છે. વાયરલ વીડિયોમાં સ્ટેશન પરિસરમાં અફરાતફરીનો માહોલ સ્પષ્ટ જોઈ શકાય છે. પ્રવાસીઓનો દાવો છે કે સ્ટેશન પર સુરક્ષા અને વ્યવસ્થા જાળવવાના નામે નિર્દોષ યાત્રીઓ સાથે અમાનવીય વર્તન કરવામાં આવ્યું છે. આ ઘટના પાછળ ટ્રેનમાં ચઢવા માટેની ભીડ જવાબદાર હતી કે પછી પોલીસ અને સુરક્ષાકર્મીઓ દ્વારા કાયદાનો દુરુપયોગ કરવામાં આવ્યો, તે અંગે રહસ્ય ઘેરાયું છે.

Surat: ઘટનાનો વીડિયો સો. મીડિયામાં વાયરલ

આ ઘટના સોશિયલ મીડિયા પર વાયરલ થતાં જ ઉચ્ચ રેલવે અધિકારીઓ પણ એક્શનમાં આવ્યા છે. લોકો સવાલ ઉઠાવી રહ્યા છે કે જો રક્ષક જ ભક્ષક બનશે તો મુસાફરોની સુરક્ષા કોના ભરોસે રહેશે? જોકે, બીજી તરફ રેલવે પ્રશાસન દ્વારા ભીડને કાબૂમાં લેવા માટે આ પ્રકારના કડક પગલાં ભરવા પડ્યા હોવાની ચર્ચાઓ પણ ચાલી રહી છે. આ વાયરલ વીડિયોની આખરે સત્યતા શું છે, કયા કારણોસર આ વિવાદ સર્જાયો અને વીડિયોમાં દેખાતા જવાબદારો સામે શું પગલાં લેવાશે, તે દિશામાં રેલવે વિભાગે આંતરિક તપાસના આદેશ આપ્યા હોવાનું સૂત્રો જણાવી રહ્યા છે.

આ પણ વાંચો; Surat: 10 મહિનાથી નોકરી કરતા સંજય રાઠોડે કંપનીને લગાવ્યો લાખોનો ચૂનો

 

View this post on Instagram

 

A post shared by Gujarat First (@gujaratfirst)