અમદાવાદ : બ્લાઉઝ ન મળ્યું તો લગ્ન બગડ્યા! દરજીને 7000નો દંડ: ગ્રાહક કોર્ટનો ચુકાદો

લગ્ન પ્રસંગ માટે બ્લાઉઝ આપવાનો હતો (Ahmedabad Consumer Case)

અમદાવાદની એક મહિલા ગ્રાહકે તેમના સંબંધીના લગ્ન સમારોહમાં (24 ડિસેમ્બર 2024) પહેરવા માટે એક પરંપરાગત બ્લાઉઝ સીવડાવવાનો ઓર્ડર આપ્યો હતો. ગ્રાહકે ગયા મહિને જ દરજીને રૂ. 4,395ની એડવાન્સ રકમ પણ ચૂકવી દીધી હતી. જોકે, જ્યારે ગ્રાહક 14 ડિસેમ્બરે ઓર્ડર લેવા ગયા, ત્યારે જાણ થઈ કે બ્લાઉઝ તેમની માગણી કરેલી ડિઝાઇન મુજબ સીવવામાં આવ્યું નહોતું. દરજીએ ભૂલ સુધારી આપવાની ખાતરી આપી, પરંતુ 24 ડિસેમ્બરની તારીખ વીતી ગઈ અને બ્લાઉઝ ક્યારેય મળ્યું નહીં. સમયસર બ્લાઉઝ ન મળવાના કારણે મહિલા લગ્નના ફંક્શનમાં તે પોશાક પહેરી શકી નહોતી

Ahmedabad Tailor Consumer Case

Advertisement

કોર્ટે આ કારણોસર દરજીને જવાબદાર ઠેરવ્યો (Service Deficiency)

મહિલા ગ્રાહકે દરજીને કાનૂની નોટિસ મોકલી અને ત્યારબાદ ગ્રાહક ફરિયાદ દાખલ કરી. જોકે, દરજી ગ્રાહક વિવાદ નિવારણ પંચ, અમદાવાદ (Consumer Disputes Redressal Commission Ahmedabad) સમક્ષ હાજર ન થયો. પંચે દરજી દ્વારા બ્લાઉઝ ન આપવાની ઘટનાને "સેવામાં સ્પષ્ટ ખામી (Service Deficiency)" ગણી, જેના કારણે ફરિયાદીને "માનસિક હેરાનગતિ"  સહન કરવી પડી.  કોર્ટે દરજીને ચૂકવેલી રૂ. 4,395ની રકમ વાર્ષિક 7% વ્યાજ સહિત પરત કરવા અને માનસિક ત્રાસ તથા કેસના ખર્ચ (રૂ. 7,000) પેટે વધારાનું વળતર ચૂકવવાનો આદેશ આપ્યો.

કેરળમાં પણ સમાન કાર્યવાહી થઈ હતી (Tailor Failed to Deliver)

આ પહેલા કેરળના કોચ્ચિમાં પણ આવો જ એક કિસ્સો બન્યો હતો. એર્નાકુલમ જિલ્લા ગ્રાહક વિવાદ નિવારણ પંચે એક ટેલરિંગ ફર્મને ગ્રાહકને માગ્યા મુજબ શર્ટ ન સીવી આપવા બદલ રૂ. 15,000નું વળતર ચૂકવવાનો આદેશ આપ્યો હતો. ગ્રાહકે ફરિયાદ કરી હતી કે સીવેલા શર્ટનું માપ સંપૂર્ણપણે ખોટું હતું અને તે પહેરી શકાય તેમ નહોતું. જાન્યુઆરી 2024માં ગ્રાહકે શર્ટ સુધારવા માટે સંપર્ક કર્યો, પરંતુ ફર્મે કોઈ કાર્યવાહી ન કરી. પરિણામે, ગ્રાહકે આર્થિક નુકસાન અને માનસિક પરેશાની માટે કોર્ટનો સહારો લીધો.

આ પણ વાંચો : મહિલાઓ હવે Gold ના દાગીનાઓ નહીં પહેરી શકે? નિયમ તોડ્યો તો થશે દંડ! જાણો પૂરી વિગત