The 8-Lane Highway to Progress : અમદાવાદ-મહેસાણા હાઈવે બનશે 'સુપર એક્સપ્રેસવે'
- The 8-Lane Highway to Progress : અમદાવાદ-મહેસાણા હાઈવેના આઠ માર્ગીયકરણ પ્રોજેક્ટને મુખ્યમંત્રીની મંજૂરી
The 8-Lane Highway to Progress : ગુજરાત રાજ્ય તેના મજબૂત માળખાગત વિકાસ અને આધુનિક કનેક્ટિવિટી માટે સમગ્ર દેશમાં અગ્રેસર રહ્યું છે. રાજ્યની આર્થિક ગતિવિધિઓને વેગ આપવા અને નાગરિકોની સુવિધા માટે 'રોડ-રસ્તા' એ વિકાસની ધમની સમાન છે. ઉત્તર ગુજરાત અને અમદાવાદ વચ્ચેના વધતા ટ્રાફિક ભારણને હળવો કરવા તેમજ પરિવહનને વધુ સુરક્ષિત બનાવવાના હેતુથી સરકાર દ્વારા એક મહત્વાકાંક્ષી માર્ગ પરિયોજનાનું આયોજન કરવામાં આવ્યું છે. આ દિશામાં એક મોટું કદમ ઉઠાવતા મુખ્યમંત્રી ભૂપેન્દ્ર પટેલે(CM Bhupendra Patel) અમદાવાદ-મહેસાણા હાઈવેના નવીનીકરણના પ્રોજેક્ટને મંજૂરીની મહોર મારી છે.
The 8-Lane Highway to Progress : પ્રોજેક્ટની વિગત અને ખર્ચ
ગાંધીનગર ખાતે મળેલી કેબિનેટ બેઠકમાં મુખ્યમંત્રીશ્રીએ અમદાવાદથી મહેસાણા વચ્ચેના ૫૧.૬૦ કિ.મી. લાંબા માર્ગને રૂ. ૨,૬૩૦ કરોડના ખર્ચે આઠ માર્ગીય (8-Lane) કરવાના પ્રોજેક્ટને મંજૂરી આપી છે. પ્રવક્તા મંત્રી જીતુભાઈ વાઘાણી-Jitubhai Vaghaniએ આ અંગે માહિતી આપતા જણાવ્યું કે, અડાલજથી પાલાવાસણા સર્કલ સુધીના આ માર્ગ પર દૈનિક ૧ લાખથી વધુ વાહનોની અવરજવર રહે છે, જેને ધ્યાને રાખીને આ નિર્ણય લેવાયો છે.
The 8-Lane Highway to Progress - આધુનિક ઇન્ફ્રાસ્ટ્રક્ચરનું નિર્માણ
સર્વિસ રોડ: આઠ માર્ગીય મુખ્ય રસ્તાની બંને બાજુ ૭ મીટર પહોળો સર્વિસ રોડ બનાવવામાં આવશે.
Advertisementએલિવેટેડ કોરિડોર: કલોલ શહેરના ટ્રાફિકને અડચણ વગર પસાર કરવા માટે ૬.૧૦ કિ.મી. લાંબો એલિવેટેડ કોરિડોર-Elevated corridor તૈયાર કરાશે.
ફ્લાયઓવર અને અંડરપાસ: પ્રોજેક્ટમાં ૮ નવા ફ્લાયઓવર અને ૮ અંડરપાસનો સમાવેશ થાય છે. જેમાં શેરથા, રાજપુર, ભાસરીયા અને જગુદણ જેવા વિસ્તારોને મોટો લાભ મળશે.
રેલવે ઓવરબ્રિજ: કલોલ ખાતે વર્તમાન બ્રિજની બાજુમાં નવો ચાર માર્ગીય રેલવે ઓવરબ્રિજ (ROB) બનાવવામાં આવશે.
અમલીકરણ: આ પ્રોજેક્ટની ટેન્ડર પ્રક્રિયા ટૂંક સમયમાં શરૂ થશે અને ટેન્ડર મંજૂરી બાદ બે વર્ષમાં કામગીરી પૂર્ણ કરવાનું લક્ષ્ય રાખવામાં આવ્યું છે.
આમ, અમદાવાદ-મહેસાણા હાઈવેનું આઠ માર્ગીયકરણ એ માત્ર રસ્તા પહોળા કરવાનો પ્રોજેક્ટ નથી, પરંતુ ઉત્તર ગુજરાતના મહેસાણા, પાટણ અને બનાસકાંઠા જિલ્લાના વિકાસ માટેનો એક સેતુ છે.
આ પ્રોજેક્ટ પૂર્ણ થવાથી વર્ષો જૂની ટ્રાફિકની સમસ્યાનો અંત આવશે, ઈંધણની બચત થશે અને માર્ગ અકસ્માતોનું પ્રમાણ ઘટશે.
રાજ્ય સરકારની આ કટિબદ્ધતા આગામી સમયમાં ગુજરાતના ટ્રાન્સપોર્ટેશન સેક્ટરને એક નવી ઊંચાઈ પર લઈ જશે, જે અંતતઃ પ્રજાના સુખાકારીમાં વધારો કરશે.
આ પણ વાંચો : Gandhinagar: આંગણવાડી બહેનો માટે સારા સમાચાર, રાજ્ય સરકારે લીધો આ નિર્ણય