• પોરબંદરના ભદ્રકાળી માતાજીના મંદિરે અનોખા Garba
• 100 વર્ષથી જાળવી રાખી છે પરંપરા
• સાઉન્ડ સિસ્ટમનો ઉપયોગ થતો નથી
• માત્ર પુરુષો માથા પર ટોપી પહેરી ગરબા રમે છે
• ધ્વનિ પ્રદુષણ પણ જોવા મળતુ નથી

Porbandar : નવરાત્રીને શક્તિની ઉપાસના માટે સમર્પિત તહેવાર માનવામાં આવે છે. શેરીઓમાં અને નાની ગલીઓમાં નોરતાની રાતે લોકો ખૂબ આનંદ સાથે Garba રમતા જોવા મળે છે. જોકે આજના આધુનિક યુગમાં જ્યાં પાર્ટી પ્લોટ અને ડીજેના તાલે ગરબા રમવાનો ટ્રેન્ડ ચાલી રહ્યો છે, ત્યાં પોરબંદરના ભદ્રકાળી માતાજીના મંદિરમાં એક અનોખી પરંપરા છેલ્લા 100 વર્ષથી અકબંધ છે. અહીં ન તો કોઈ હાઈ-વોલ્ટેજ સાઉન્ડ સિસ્ટમનો ઉપયોગ થાય છે કે ન તો કાન ફાડી નાખે તેવા લાઉડસ્પીકરનો. આ ગરબા માત્ર પુરુષો દ્વારા માથે ટોપી પહેરીને અને ખુલ્લા પગે રમવામાં આવે છે, જે ‘ટોપી રાસ’ તરીકે વિશ્વભરમાં પ્રખ્યાત છે.

100 વર્ષની અનોખી પરંપરા

ભદ્રકાળી માતાજીના મંદિર પરિસરમાં યોજાતા આ ગરબા (Garba) ની સૌથી મોટી વિશેષતા તેની પરંપરા છે. છેલ્લા 100 વર્ષથી અહીં માત્ર પુરુષો જ ગરબા રમે છે. આ ગરબાની ગરિમા અને શુદ્ધતા જાળવવા માટે આયોજકોએ ક્યારેય પરંપરા સાથે સમાધાન કર્યું નથી. માઈક્રોફોન કે વાજિંત્રોનો ઉપયોગ પણ થતો નથી. ગરબા રમતા પુરુષો માથા પર પરંપરાગત ટોપી પહેરીને અને ખુલ્લા પગે માતાજીની આરાધનામાં લીન થઈ જાય છે. આ ગરબા એટલા લોકપ્રિય છે કે દેશ-વિદેશથી લોકો તેને જોવા માટે આવે છે.

શાંતિપૂર્ણ વાતાવરણમાં Garba

જ્યારે મોટાભાગના શહેરોમાં પાર્ટી પ્લોટ અને ક્લબમાં નામી સિંગરો અને હાઈ-વોલ્ટેજ સાઉન્ડ સિસ્ટમથી ગરબા (Garba) રમાય છે, જેનાથી ધ્વનિ પ્રદૂષણની સમસ્યા સર્જાય છે, ત્યારે ભદ્રકાળી મંદિરના ગરબા એક શાંતિપૂર્ણ અનુભવ કરાવે છે. અહીં કોઈ પણ પ્રકારના વાદ્ય વગર, માત્ર પરંપરાગત રાસની શૈલીમાં ગરબા (Garba) રમાય છે. આ શાંત અને પવિત્ર વાતાવરણ બાળકોથી લઈને વડીલો સુધી સૌને આકર્ષે છે. આજના બાળકો પણ મોટા પાર્ટી પ્લોટમાં જવાને બદલે અહીં રમવા માટે જીદ કરે છે.

આજના યુગમાં પરંપરાનું મહત્વ

આધુનિકતાના આ યુગમાં પરંપરાને જીવંત રાખવી એ એક મોટો પડકારરૂપ કાર્ય છે. ભદ્રકાળી મંદિરના આયોજકોએ આ પડકારને સફળતાપૂર્વક ઝીલી લીધો છે. ગત વર્ષે જ્યારે આ ગરબાને 100 વર્ષ પૂરા થયા, ત્યારે આયોજકોએ તેને ધામધૂમપૂર્વક ઉજવ્યો હતો, પરંતુ પરંપરામાં કોઈ પણ પ્રકારનો ફેરફાર કર્યો નહોતો. આ દર્શાવે છે કે ટેકનોલોજી અને આધુનિકતાના આંધળા પ્રવાહમાં પણ આપણી સંસ્કૃતિ અને મૂલ્યોને જાળવી રાખવા શક્ય છે. આ ગરબા માત્ર ધાર્મિક પ્રવૃત્તિ જ નહીં, પણ એક સામાજિક સંદેશ પણ આપે છે કે ધ્વનિ પ્રદૂષણ વગર પણ તહેવારોની ઉજવણી કરી શકાય છે.

આ પણ વાંચો :   Ahmedabad : હજુ સુધી એકપણ નવરાત્રિ આયોજકને નથી મળી મંજૂરી