Surat: વાબાંગ જામીરે સંભાળ્યો ઇન્ચાર્જ પોલીસ કમિશનરનો પદભાર, સુરક્ષા મજબૂત બનાવવાની નેમ

Surat: નિર્દોષોને ન્યાય મળે તે માટે પોલીસ સતત કાર્યરત

પદભાર સંભાળ્યા બાદ મીડિયા સાથેની વાતચીતમાં તેમણે કડક વલણ દાખવતા જણાવ્યું હતું કે, "ગુનેગારો માટે શહેરમાં કોઈ સ્થાન નથી, તેમને કોઈ પણ સંજોગોમાં છોડવામાં આવશે નહીં." તેમણે સ્પષ્ટ કર્યું હતું કે કાયદો અને વ્યવસ્થા જાળવવી એ તેમની પ્રાથમિકતા છે અને સામાન્ય નાગરિકો સુરક્ષિત અનુભવે તથા નિર્દોષોને ન્યાય મળે તે માટે પોલીસ સતત કાર્યરત રહેશે.

ગુનાખોરી પર અંકુશ મેળવવા કવાયત

સુરત જેવા ઝડપથી વિકસતા અને ગીચ વસ્તી ધરાવતા શહેરમાં સાયબર ક્રાઇમ, ટ્રાફિક વ્યવસ્થાપન અને ગુનાખોરી પર અંકુશ મેળવવો એક મોટો પડકાર છે. વબાંગ જામીરના આગમન સાથે શહેરની પોલીસિંગ સિસ્ટમમાં નવી ઉર્જાનો સંચાર થશે તેવી આશા વ્યક્ત કરવામાં આવી રહી છે. ટૂંક સમયમાં જ તેઓ શહેરના તમામ ઉચ્ચ અધિકારીઓ સાથે બેઠક કરી સુરક્ષાની સ્થિતિ અંગે સમીક્ષા કરશે.

આ પણ વાંચો: Gir Somnath: સૈયદ રાજપરા ગામમાં હાલાત ગંભીર, તંત્રની ગેરહાજરીથી લોકોમાં આક્રોશ