Vadodara: આજવા રોડ પર કારની અડફેટે વૃદ્ધાનું મોત, સીસીટીવીમાં દ્રશ્યો જોઈ હચમચી જશો
Vadodara Accident: વડોદરાના આજવા રોડ પર સ્થિત ભાગ્યલક્ષ્મી સોસાયટી (Bhagyalaxmi Society) નજીક એક અત્યંત કરુણ અને ગમખ્વાર અકસ્માત (Road Accident) સર્જાયો છે. એક પૂરઝડપે આવી રહેલી કારે રસ્તો ક્રોસ કરી રહેલા વૃદ્ધાને જોરદાર ટક્કર મારતા તેમનું ઘટનાસ્થળે જ મોત નિપજ્યું હતું. આ અકસ્માત એટલો ભયાનક હતો કે કારની ટક્કર વાગતા વૃદ્ધા હવામાં ફંગોળાઈ ગયા હતા, જેની ગંભીર ઈજાઓને કારણે તેમણે જીવ ગુમાવ્યો છે.
ઘટનાની જાણ થતા જ લોકો એકત્ર થયા
સ્થાનિક સૂત્રોના જણાવ્યા અનુસાર, કારમાં વિદેશી નાગરિકો (Foreign Nationals) સવાર હતા. ઘટનાની જાણ થતા જ આસપાસના લોકો એકત્ર થઈ ગયા હતા અને પરિસ્થિતિ તંગ બની હતી. અકસ્માતની આ સમગ્ર ઘટના નજીકમાં લાગેલા સીસીટીવી કેમેરા (CCTV Footage) માં કેદ થઈ ગઈ છે, જેના ફૂટેજ હવે સોશિયલ મીડિયામાં વાયરલ થઈ રહ્યા છે. દ્રશ્યોમાં સ્પષ્ટ જોઈ શકાય છે કે કારચાલક કેટલી બેફામ ગતિએ વાહન ચલાવી રહ્યો હતો.
Vadodara : આજવા રોડ પર વૃદ્ધાને લીધા અડફેટે!, CCTV જોઈ રૂંવાડા ઉભા થઈ જશે!
વડોદરાના આજવા રોડ પર સ્થિત ભાગ્યલક્ષ્મી સોસાયટી નજીક એક અત્યંત કરુણ અને ગમખ્વાર અકસ્માત સર્જાયો છે. એક પૂરઝડપે આવી રહેલી કારે રસ્તો ક્રોસ કરી રહેલા વૃદ્ધાને જોરદાર ટક્કર મારતા તેમનું ઘટનાસ્થળે જ મોત… pic.twitter.com/9djVlijcD2
— Gujarat First (@GujaratFirst) June 1, 2026
Vadodara: કારચાલક સામે કાયદાકીય કાર્યવાહી
આ ઘટના બાદ પોલીસ કાફલો તાત્કાલિક સ્થળ પર પહોંચી ગયો હતો. પોલીસ (Vadodara Police) દ્વારા સીસીટીવી ફૂટેજ કબજે કરી આગળની તપાસ શરૂ કરવામાં આવી છે. બેફામ ગતિ અને વિદેશી નાગરિકોની સંડોવણીને કારણે આ મામલો શહેરમાં ટોક ઓફ ધ ટાઉન બન્યો છે. પોલીસે કારચાલક સામે કાયદાકીય કાર્યવાહી (Legal Action) હાથ ધરી છે, જ્યારે વૃદ્ધાના પરિવારમાં શોકનું મોજું ફરી વળ્યું છે. આ ઘટનાએ ફરી એકવાર શહેરી રસ્તાઓ પર ટ્રાફિક નિયમોના પાલન અને બેફામ ડ્રાઈવિંગ સામે ગંભીર સવાલો ઉભા કર્યા છે.
આ પણ વાંચો: West Bengal Cabinet Expansion : સુવેન્દુ સરકારની ટીમ તૈયાર! કેબિનેટમાં નવા ચહેરાઓને મોટી જવાબદારી