VADODARA : આજથી બોર્ડ પરીક્ષાનો પ્રારંભ, સાંસદે વિદ્યાર્થીઓનો ઉત્સાહ વધાર્યો
VADODARA : આજથી વડોદરા સહિત રાજ્યભરમાં બોર્ડની (BOARD EXAM - VADODARA) પરીક્ષા શરૂ થઇ રહી છે. વડોદરામાં સ્વામી વિવેકાનંદ શાળામાંં બોર્ડની પરીક્ષા આપવા માટે આવતા વિદ્યાર્થીઓના ઉત્સાહમાં વધારો કરવા તથા તેમને શુભેચ્છા આપવા માટે સાંસદ ડો. હેમાંગ જોષી (DR. HEMANG JOSHI - VADODARA) ઉપસ્થિત રહ્યા હતા. તેમણે વિદ્યાર્થીઓને હસતાં મોંઢે આવકાર આપીને તેમને ગુલાબ અને પેન આપ્યા હતા. અને શાળામાં પ્રવેશ કરાવ્યો હતો. વિદ્યાર્થીઓ ચિંતામુક્ત બનીને શાંતિપૂર્વક રીતે પરીક્ષા આપી શકે તે માટે ઠેર ઠેર તેમને પરીક્ષા કેન્દ્ર બહાર સ્વાગત સાથે આવકાર આપવામાં આવી રહ્યો છે.
કુલ ૬૮૫૦૮ છાત્રો પરીક્ષામાં બેસશે
આજથી શરૂ થનાર ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડની ફેબ્રુઆરીથી શરૂ થનારી પરીક્ષામાં ધોરણ ૧૦ અને ૧૨ના કુલ ૬૮૫૦૮ છાત્રો પરીક્ષામાં બેસશે. જેમાં ધોરણ ૧૦ માટે ૧૫૩ પરીક્ષા સ્થળોના ૧૫૨૨ બ્લોકમાં ૪૩૮૭૩ છાત્રો પરીક્ષા આપશે. ધોરણ ૧૨ના સામાન્ય પ્રવાહમાં ૬૨ પરીક્ષા સ્થળોના ૫૬૮ બ્લોકમાં ૧૮૧૨૮ છાત્રો અને વિજ્ઞાન પ્રવાહમાં ૩૭ પરીક્ષા સ્થળોના ૩૩૪ બ્લોકમાં ૬૫૦૭ મળી એચસીસીમાં કુલ ૨૪૬૩૫ પરીક્ષાર્થીઓ નોંધાયા છે. આ ઉપરાંત સેન્ટ્રલ જેલમાંથી ૧૦ અંતેવાસી પરીક્ષા આપવાના છે.
ત્રણ છાત્રો લેપટોપ સાથે પરીક્ષા આપવાના છે
વિશેષ વાત છે કે, આ વખતે જિલ્લા શિક્ષણ તંત્ર દ્વારા રિક્ષા એસોસિએશન સાથે બેઠક કરી છાત્રને પરીક્ષા સ્થળે પહોંચવાની સમસ્યા હોય તેવા સમયે મદદ કરવા અનુરોધ કરવામાં આવ્યો હતો. જેમાં સહયોગ આપી રિક્ષા એસોસિએશનને છાત્રોને મદદ કરવાની તૈયારી દર્શાવી છે. વડોદરામાં આ વખતે આંખથી સો ટકા દિવ્યાંગ હોય એવા ત્રણ છાત્રો લેપટોપ સાથે પરીક્ષા આપવાના છે. આ માટે બોર્ડ દ્વારા મંજૂરી આપવામાં આવી છે. લહિયાની પણ વ્યવસ્થા કરવામાં આવી છે. જે નિયમોનુસાર આપવામાં આવશે.
આ પણ વાંચો --- VADODARA : વિજ કંપનીનો પાલિકાને પત્ર, ખાડા ખોદતા સમયે કેબલનું ધ્યાન રાખજો