Vadodara: ACBએ સપાટો બોલાવી મોટી કાર્યવાહી, માંજલપુર પોલીસ મથકનો વહીવટદાર લાંચ લેતા પકડાયો

Vadodara:જામીનની પતાવટ કરવા માંગી લાંચ

મળતી સત્તાવાર વિગતો અનુસાર, માંજલપુર પોલીસ મથકમાં નોંધાયેલા એક ગુનાના સંદર્ભમાં ફરિયાદીના જામીનની પ્રક્રિયા સરળતાથી પતાવવા અને હેરાન ન કરવા માટે આરોપી પાસે પોલીસ વતી મોટી લાંચ (Bribe Case Vadodara) ની માંગણી કરવામાં આવી હતી. કાયદેસરની આ કાર્યવાહીના બદલામાં શરૂઆતમાં 25,000 રૂપિયાની લાંચ માંગવામાં આવી હતી, પરંતુ અંતે રકઝકના અંતે 10,000 રૂપિયા આપવાનું નક્કી કરાયું હતું. ફરિયાદી લાંચ આપવા ન માંગતા હોવાથી તેમણે આ અંગે વડોદરા એસીબીનો સંપર્ક સાધ્યો હતો.

માંજલપુર પોલીસ મથકનો વહીવટદાર સંકજામાં

એસીબીના પીઆઈ અને તેમની ટીમે ગોઠવેલી જાળ મુજબ, માંજલપુર પોલીસ મથકનો વહીવટદાર જય કિશન (Jay Kishan Vahivatdar) લાંચની રકમ લેવા પહોંચ્યો હતો. તેણે આ લાંચની રકમ પોતાની ખાનગી કારના ડેશબોર્ડ (Car Dashboard Bribe) પર મુકાવી હતી. નાણાં સ્વીકારાતાની સાથે જ પૂર્વ આયોજિત પ્લાન મુજબ એસીબીની ટીમે ત્રાટકીને વહીવટદાર જય કિશનને રંગેહાથ ઝડપી લીધો હતો. તેની આકરી પૂછપરછ દરમિયાન સામે આવ્યું કે આ લાંચનો દોરીસંચાર માંજલપુર પોલીસ મથકની મહિલા પીએસઆઈ મલ્લિકા પરમાર (PSI Mallika Parmar) ના ઈશારે થઈ રહ્યો હતો. ભ્રષ્ટાચારમાં નામ ખુલતાની સાથે જ મહિલા પીએસઆઈ મલ્લિકા પરમાર ફરાર થઈ ગયા છે, જેથી એસીબીએ તેમને વોન્ટેડ જાહેર કરી કાયદેસરની અટકાયત અને કાર જપ્ત કરવાની આગળની કાર્યવાહી તેજ કરી છે.

આ પણ વાંચો: Surat: સુમુલ ડેરીની ચૂંટણીમાં ખળભળાટ, કોંગ્રેસ ઉમેદવારના દરખાસ્તકર્તા 3 દિવસથી ગુમ