Vadodara Urea Scandal:  સરકારી યુરિયાના ગેરકાયદે વપરાશનો ભાંડો ફૂટ્યો, ગ્રીનપ્લાય કંપની સામે કાર્યવાહી

Vadodara: સરકારને આર્થિક નુકસાન પહોંચાડ્યું

કંપનીના સંચાલકોએ બચાવમાં દિલ્હીની 'મનીષા ટ્રેડિંગ' (Manisha Trading) પાસેથી આ યુરિયાની ખરીદી કરી હોવાના બિલ રજૂ કર્યા હતા, પરંતુ પ્રાથમિક તપાસમાં આ જથ્થો ખેતીના ઉપયોગ માટેનો હોવાનું સ્પષ્ટ થતા તંત્ર દ્વારા ગંભીરતા લેવામાં આવી છે. ગેરકાયદે રીતે સબસિડીવાળા યુરિયાનો ઉપયોગ કરીને સરકારને આર્થિક નુકસાન પહોંચાડવાના આ મામલે ખેતીવાડી વિભાગની ફરિયાદને પગલે સાવલી પોલીસ સ્ટેશનમાં ગુનો નોંધવામાં આવ્યો છે.

કાયદેસરની કાર્યવાહી હાથ ધરવામાં આવી

આ કેસમાં કંપનીના જવાબદાર વ્યક્તિઓ તેમજ સપ્લાયર સામે 'આવશ્યક ચીજવસ્તુ ધારો' (Essential Commodities Act) અને 'ખાતર નિયંત્રણ હુકમ' (Fertilizer Control Order) હેઠળ કાયદેસરની કાર્યવાહી હાથ ધરવામાં આવી છે. હાલ સમગ્ર કૌભાંડની સઘન તપાસ સાવલી પોલીસના PSI વી.એ. પરમાર કરી રહ્યા છે. આ ઘટનાએ ઔદ્યોગિક એકમોમાં ખેતીના ખાતરના દુરુપયોગ અંગેના પ્રશ્નો ફરી એકવાર ચર્ચામાં મૂક્યા છે.

આ પણ વાંચો: Bhavnagar Medical College માં મચ્યો ખળભળાટ, એન્ટી રેગિંગ કમિટીની બેઠકમાં સ્ટિંગ ઓપરેશનનો વિવાદ