VADODARA : સ્કૂલ એડમિનિસ્ટ્રેટરની ઐતિહાસીક 50 કિમીની સાયકલ રાઇડ પૂર્ણ

VADODARA : "હમ ફીટ તો ઇન્ડિયા ફીટ" ના સૂત્રને ધ્યાનમાં રાખીને કોરોનાકાળ પછી સ્વાસ્થ્યની જાળવણી માટે એકવાર જો સાઈકલના પેડલ માર્યા, તો પછી તે ચાલતા જ ગયા અને ફિટનેસ અને પર્યાવરણીય સંરક્ષણ માટે 55 વર્ષીય સ્કૂલ એડમિનીટ્રેટર સુનિલ બી. પટેલ એ કુલ એક હજાર મી 50 કિલોમીટર લાંબી સાયકલિંગ રાઇડ પૂર્ણ કરી. દરરોજ તેઓ ઘરેથી શાળાએ અને સાયકલ દ્વારા પાછા ફરે છે, પોતાના સ્વાસ્થ્યની સંભાળ રાખવા અને પર્યાવરણનું રક્ષણ કરવાનો સંદેશ ફેલાવે છે. તેઓ દરરોજ 50 કિલોમીટર સાયકલ ચલાવે છે અને 9 માર્ચે 1000 રાઇડ પૂર્ણ કરી છે. (SCHOOL ADMINISTRATOR SOON TO MAKE WORLD RECORD - VADODARA).

સાયકલિસ્ટની લિસ્ટમાં તેમના નામે અનેક રેકોર્ડ

મૂળ કપડવંજના વતની અને હાલમાં વડોદરા સ્થાયી થયેલ સુનિલ બી. પટેલે દરેક વડોદરાવાસીઓને ગૌરવ અપાવે એવું કાર્ય કર્યું છે. હાલમાં ભારતમાં 50 વર્ષથી વધુ વય જૂથમાં સાયકલિસ્ટની લિસ્ટમાં તેમના નામે અનેક રેકોર્ડ છે. એક સાયકલિસ્ટ તરીકે ઇન્ડિયન બુક ઓફ રેકોર્ડ, વર્લ્ડ રેકોર્ડ્સ ઇન્ડિયા, જેકી બુક ઓફ રેકોર્ડ, એશિયા બુક ઓફ રેકોર્ડ્સ સહિત અનેક રેકોર્ડ્સ પોતાના નામે કરી ચુક્યા છે. તદુપરાંત સાયકલિંગ સિદ્ધિઓ માટે તેમને ઇન્સ્પાયરિંગ ઇન્ડિયન એવોર્ડ 2025, સહિત અન્ય એવોર્ડ પણ મળ્યા છે.

વ્યાયામ શિક્ષક તરીકે કારકિર્દી શરૂ કરી

“નાનપણથી જ હું ફિટનેસ પ્રત્યે ઉત્સાહી છું અને માર્શલ આર્ટ્સ (તાઈક્વોન્ડો), સ્વિમિંગમાં તાલીમ લીધી છે અને પર્વતારોહણનો મૂળભૂત અભ્યાસક્રમ પૂર્ણ કર્યો છે. મેં અમદાવાદમાં વ્યાયામ શિક્ષક તરીકે મારી કારકિર્દી શરૂ કરી હતી અને પછી વર્ષ 2002 માં વડોદરા સ્થાયી થઇ અને આનંદ વિદ્યા વિહાર સ્કૂલમાં શિક્ષક તરીકે જોડાયો. જે-તે સમયે અમદાવાદમાં ટ્રાફિકની ગંભીર સમસ્યાઓનો સામનો કરવો પડ્યો અને તેથી મુસાફરી માટે સાયકલ ચલાવવાનું શરૂ કર્યું; ત્યારબાદ વડોદરા આવ્યા પછી પણ આ ચાલુ છે. સાયકલિંગ મને ફિટ અને સ્વાસ્થ્ય રાખે છે, અને હું પર્યાવરણ બચાવવામાં પણ ફાળો આપું છું. એ જોઈને સારું લાગે છે કે મારી શાળાના શિક્ષકો, વિદ્યાર્થીઓ અને ઘણા લોકોએ દરરોજ સાયકલ ચલાવવાનું શરૂ કર્યું છે, મારી દિનચર્યાને અનુસરીને અને ફિટનેસ તરફ પહેલું પગલું ભર્યું છે. મારું એકમાત્ર લક્ષ્ય લોકોની શારીરિક તંદુરસ્તી અને સ્વાસ્થ્ય સુધારવાનું છે," સુનિલ પટેલે જણાવ્યું.

રોક ક્લાઇમ્બિંગ અને નેટ ક્લાઇમ્બિંગ રજૂ કરનાર પ્રથમ શિક્ષક

સુનિલ પટેલ રક્તદાન શિબિરો, વ્યસન મુક્તિ કાર્યક્રમો, વાઘ અને જંગલ સંરક્ષણ, પર્યાવરણીય સંરક્ષણ, ફિટનેસ જાગૃતિ અને ઘણી બધી સામાજિક પ્રવૃત્તિઓ સાથે પણ સંકળાયેલા છે. તે શાળાના વિદ્યાર્થીઓને સારા રમતવીરો બનવા અને જિલ્લા અને રાજ્ય સ્પર્ધાઓમાં સારું પ્રદર્શન કરવા માટે તાલીમ પણ આપે છે. તે પોતાની શાળામાં કૃત્રિમ રોક ક્લાઇમ્બિંગ અને નેટ ક્લાઇમ્બિંગ રજૂ કરનાર પ્રથમ શિક્ષક હતા. તેમના ગુણોએ તેમને બે શ્રેષ્ઠ શિક્ષક પુરસ્કારો અપાવ્યા છે. અહીં સુનિલ પટેલની સાયકલની આ સફર હજુ ચાલુ છે અને આવનાર સમયમાં વિશ્વ પ્રવાસ કરે કે ન કરે પણ ગીનીસ બુક ઓફ વર્લ્ડ રેકોર્ડમાં જરૂર સામેલ થશે.

આ પણ વાંચો --- VADODARA : 'કલાનગરીના લોકોને કલા પ્રત્યે આદર અને ઊંડી સમજ છે' - વેપારી