Vadodara માં ડુપ્લીકેટ નોટોનું મોટું કૌભાંડ, બેંકમાં નોટો જમા કરાવા જતાં ભાંડો ફૂટ્યો

• Vadodara માં નકલી નોટોના રેકેટનો પર્દાફાશ: 6 આરોપીઓની ધરપકડ!
• HDFC બેંકમાં 500 ના દરની 20 બનાવટી નોટો જમા કરાવા જતા ખુલ્યું મોટું કૌભાંડ
• SOG દ્વારા વાઘોડિયાથી મુખ્ય આરોપી સાગર મારૂ સહિત 6ની કરવામાં આવી ધરપકડ
• રાજસ્થાનના મુખ્ય સપ્લાયર અક્ષય ગોયેલને પણ પોલીસે ગણતરીના કલાકોમાં દબોચ્યો
• આરોપીઓ પાસેથી 85 નકલી નોટો, ક્રેટા કાર અને રોકડ સહિત 11.89 લાખનો મુદ્દામાલ જપ્ત
• રેકેટનો અન્ય આરોપી મનોહર ગુજ્જર હજુ ફરાર, પોલીસ દ્વારા સઘન શોધખોળ શરૂ

Vadodara: સંસ્કારી નગરીમાં આર્થિક ગુનાખોરીનો એક ચોંકાવનારો કિસ્સો પ્રકાશમાં આવ્યો છે. વડોદરા સ્પેશિયલ ઓપરેશન ગ્રુપ (SOG) (Special Operation Group) દ્વારા બનાવટી ચલણી નોટોના (Fake Currency) નેટવર્કનો પર્દાફાશ કરી ગણતરીના કલાકોમાં 6 આરોપીઓને દબોચી લેવામાં આવ્યા છે. આ સમગ્ર કૌભાંડનો પર્દાફાશ ત્યારે થયો જ્યારે શહેરની એક એચડીએફસી બેંકમાં (HDFC Bank) રૂ. 500 ના દરની 20 નકલી નોટો જમા કરાવવાનો પ્રયાસ થયો હતો.

Vadodara: 85 જેટલી નકલી નોટો જપ્ત

પોલીસ તપાસમાં જાણવા મળ્યું છે કે, વાઘોડિયા ખાતેથી મુખ્ય આરોપી સાગર મારૂ (Sagar Maru) ની ધરપકડ કરવામાં આવી હતી. તેની પૂછપરછમાં એક પછી એક 5 સ્થાનિક સાગરીતોના નામ ખુલ્યા હતા, જેઓ શહેરના વિવિધ વિસ્તારોમાં આ નકલી નોટો વટાવવાનું કામ કરતા હતા. આરોપીઓ પાસેથી કુલ 85 જેટલી નકલી નોટો, રૂ. 2.27 લાખની રોકડ, એક ક્રેટા કાર (Creta Car) અને 5 મોબાઈલ ફોન જપ્ત કરવામાં આવ્યા છે. પોલીસ દ્વારા કુલ રૂ. 11.89 લાખનો મુદ્દામાલ કબ્જે કરવામાં આવ્યો છે.

રાજસ્થાન સુધી જોડાયેલું નેટવર્ક

આ રેકેટના તાર છેક રાજસ્થાન (Rajasthan) સુધી જોડાયેલા હોવાનું બહાર આવ્યું છે. વડોદરા પોલીસે ત્વરિત કાર્યવાહી કરી રાજસ્થાનથી મુખ્ય સપ્લાયર અક્ષય ગોયેલ (Akshay Goyal) ને પણ ઝડપી પાડ્યો છે. જોકે, આ કેસમાં અન્ય એક આરોપી મનોહર ઉર્ફે મુન્ના ગુજ્જર હાલ ફરાર છે, જેને પકડવા ચક્રો ગતિમાન કર્યા છે. પોલીસ હવે એ દિશામાં તપાસ કરી રહી છે કે અત્યાર સુધીમાં આ ટોળકીએ બજારમાં કેટલી નકલી નોટો ફરતી કરી છે અને આ નેટવર્કમાં અન્ય કોઈ મોટા માથાઓ સામેલ છે કે કેમ.

આ પણ વાંચો: પરંપરાગત ‘બુટી ડિઝાઇન’ અને તુષાર રેશમ: જાણો પીએમ મોદીની લાલ બોર્ડરવાળી Dhoti પાછળનો ખાસ સંદેશ