Vadodara : અંકોડિયા ગામની સીમમાંથી મળી આવ્યો યુવતીનો મૃતદેહ

ડિવાયએસપી અને પીઆઈ દોડી ગયા ઘટના સ્થળે

વડોદરા નજીક આવેલ અંકોડિયા ગામની સીમમાં આવેલા ખેતરમાં આજે એક યુવતીની લાશ પડી હોવાની માહિતી સ્થાનિક વ્યક્તિએ પોલીસને કોલ કરીને આપી હતી. આ ઘટનાની જાણ થતાંની સાથે જ વડોદરા તાલુકા પોલીસની ટીમ, પીઆઇ વિક્રમસિંહ ટાંક અને ડીવાયએસપી કક્ષાના અધિકારીઓ તથા એફએસએલ અને ડોગ સ્ક્વોડની ટીમ ઘટનાસ્થળે પહોંચી ગઈ હતી. પોલીસે લાશનો કબજે લઈ પોસ્ટમોર્ટમ માટે ગોત્રી હોસ્પિટલમાં મોકલી આપી હોવાની માહિતી સામે આવી રહી છે.

Advertisement

Vadodara : મૃતદેહ કોહવાયેલી સ્થિતિમાં

મળી રહેલી માહિતી અનુસાર, યુવતીનો મૃતદેહ કોહવાયેલી હાલતમાં હોવાથી તેની ઓળખ થઈ શકી નથી. જોકે, પોલીસે આસપાસના સીસીટીવી કેમેરાઓ ખંગાળવાનું શરૂ કર્યું છે, જેથી આરોપી સુધી પહોંચવામાં સરળતા રહે શકે. તો બીજી તરફ એવું પણ કહેવામાં આવી રહ્યું છે કે, યુવતીના ગળા ઉપર ઈજાના નિશાનની સાથે-સાથે દૂપટ્ટો પણ લપેટાયેલો મળ્યો હોવાથી હત્યા કે આત્મહત્યા કરવામાં આવી છે, તે દિશામાં પણ પોલીસ તપાસ ચલાવી રહી છે.

Vadodara | અજાણી યુવતીનો મૃતદેહ મળી આવતા ચકચાર મચી! | Gujarat First

Vadodara ના Ankodiya માં અજાણી યુવતીનો મૃતદેહ મળ્યો
25-30 વર્ષની યુવતીનો મૃતદેહ મળી આવ્યો
Ankodiya સીમમાં ફરી એક ગુનાહિત ઘટના
Ankodiya પોલીસે અજાણ્યા વિરુદ્ધ હત્યાનો ગુનો નોંધ્યો
યુવતીની ઓળખ માટે પોલીસની… pic.twitter.com/h1kHz6OqtF

— Gujarat First (@GujaratFirst) December 10, 2025

હત્યા કે આત્મહત્યા ?

પોલીસ સુત્રો પાસેથી મળી રહેલી માહિતી અનુસાર, મૃતદેહ પાછલા ઘણા દિવસોથી અહીં પડ્યો હોઈ શકે છે. કેમ કે મૃતદેહ એકદમ ખરાબ સ્થિતિમાં હોવાની માહિતી સામે આવી રહી છે. આ ઘટનાની જાણ પણ મૃતદેહમાંથી આવી રહેલી દૂર્ઘંધના કારણે જ સ્થાનિક લોકોને થઈ હતી. તે પછી સ્થાનિક લોકોએ તપાસ કરતાં મૃતદેહ હોવાનું જાણતા તેમને પોલીસને ફોન કરીને જાણકારી આપી હતી. સૌથી પહેલા તો પોલીસ મૃતદેહની ઓળખ કરવાની કોશિશ કરી રહી છે, જેથી આરોપી સુધી સરળતાથી પહોંચી શકાય.

Vadodara ની બદનામ જગ્યા- ક્રાઈમ હોટસ્પોટ

ઉલ્લેખનિય છે કે, આ જગ્યા પર પહેલા પણ ગુનાહિત પ્રવૃત્તિઓ થઈ હોવાની માહિતી સામે આવી રહી છે. આ જગ્યા ક્રાઈમ માટે હોટ સ્પોટ છે. કેમ કે આ અવાવરૂં જગ્યાએ પહેલા પણ ગંભીર ગુનાઓ આચરવામાં આવી ચૂક્યા હોવાની માહિતી સામે આવી રહી છે.

આ પણ વાંચો- Banaskantha: પાલનપુરમાં રખડતા પશુઓનો ત્રાસ, નગરપાલિકા રખડતા ઢોર પકડવાના કોન્ટ્રાક્ટ લેવા તૈયાર નહીં!