VADODARA : પ્લેન ક્રેશમાં મૃતકના કોમ્પલેક્ષ બહારના દબાણો તાત્કાલિક દુર કરાયા

લારીઓનું દબાણ હોવાના કારણે પાર્કિંગની સમસ્યા ઉદ્ભવતી

પ્લેન ક્રેશમાં વડોદરાના માંજલપુર વિસ્તારમાં આવેલા ધનલક્ષ્મી કોમ્પલેક્ષમાં રહેતા કલ્પનાબેન પ્રજાપતિનું મૃત્યું થયું છે. આ વાત જાણતા જ તેમના મિત્ર, પરિજનો તેમના ઘરે આવી રહ્યા છે. મૃતકના કોમ્પ્લેક્ષ બહાર ખાણી-પીણીની લારીઓનું દબાણ હોવાના કારણે પાર્કિંગની સમસ્યા ઉદ્ભવતી હતી. પ્લેન ક્રેશની ઘટના બાદ પણ લારી ધારકો, તેમના ગ્રાહકો અને કોમ્પ્લેક્ષના રહીશો વચ્ચે પાર્કિંગ મામલે બોલાચાલી થઇ હતી. આખરે આ મામલો મીડિયા થકી સપાટી પર આવતા પાલિકાનું તંત્ર જાગ્યું હતું.

કેબિન અને શેડ્સના દબાણો દુર કરીને સામાન જપ્ત કરવામાં આવ્યો

ઘટના સામે આવ્યા બાદ બીજા દિવસે જ પાલિકાની વોર્ડ નં - 18 ની ટીમો દ્વારા દબાણ શાખાને સાથે રાખીને દબાણો દુર કરવામાં આવ્યા છે. કોમ્પ્લેક્ષના પાર્કિંગમાં ઉભા કરી દેવામાં આવેલા કેબિન અને શેડ્સના દબાણો દુર કરીને સામાન જપ્ત કરવામાં આવ્યો છે. આ સાથે વોર્ડ ઓફિસર દ્વારા વેપારીઓને ફરી દબાણ નહીં કરવા અંગે નોટીસ પાઠવીને કડક સૂચના આપી છે.

આ પણ વાંચો --- Gujarat Rain : અમદાવાદમાં મેઘરાજાની એન્ટ્રી, દાહોદમાં વીજળી પડતા પિતા-પુત્રનુ મોત