VADODARA : શુક્રવારી બજારમાં ઘર્ષણ, મહિલાએ કહ્યું, 'તને મારી દેવી જોશે'

VADODARA : વડોદરા (VADODARA) ના શુક્રવારી બજાર (SHUKRAVARI BAZAR) પર પાલિકા (VADODARA - VMC) ની ટીમો ત્રાટકી હતી. જેમાં પથારા ઉઠાવી લેતા ધારકો સાથે ઘર્ષણના દ્રશ્યો સર્જાયા હતા. ખાસ કરીને મહિલાઓમાં ભારે રોષની લાગણી વ્યાપી જવા પામી હતી. એક તબક્કે આક્રોષિત મહિલાએ જોર જોરમાં બુમો પાડીને કહ્યું કે, તને મારી દેવી જોઇ લેશે. મહિલાઓનું ના લેવાય. જો કે, તમામ વિરોધને અવગણીને પાલિકા દ્વારા પોતાની કામગીરી ચાલુ રાખવામાં આવી હતી.

ગરીબ પરિવારની મહિલાનો ગુસ્સો ફાટી નીકળ્યો

વડોદરા પાલિકા દ્વારા શહેરના વિવિધ વિસ્તારોમાંથી દબાણો હટાવવાની ઝૂંબેશ હાથ ધરવામાં આવી રહી છે. જે અંતર્ગત તાજેતરમાં શુક્રવારી બજારમાં પથારાવાળા પર ટીમો ત્રાટકી હતી. અને તેમનો સામાન જપ્ત કરવામાં આવી રહ્યો હતો. દરમિયાન ગરીબ પરિવારની મહિલાનો ગુસ્સો ફાટી નીકળ્યો હતો. મહિલાએ જાહેરમાં કાર્યવાહી સામે રોષ વ્યક્ત કરતા કહ્યું કે, તને મારી દેવી જોઇ લેશે. મહિલાઓનું ના લેવાય ફૂટી નીકળશે.

2 ટ્રક ભરીને સામાન જપ્ત કર્યો

બીજી તરફ પાલિકાની ટીમો દ્વારા વિરોધને અવગણીને પોતાની કાર્યવાહી ચાલુ રાખી હતી. પાલિકાની ટીમોએ વિરોધ વચ્ચે 2 ટ્રક ભરીને સામાન જપ્ત કર્યો હતો. અત્રે ઉલ્લેખનીય છે કે, વડોદરામાં દર શુક્રવારે કારેલીબાગ ભૂતડીઝાંપામાં શુક્રવારી બજાર ભરાય છે. જાહેર રોડ પર આ બજાર ભરાય છે. જેમાં મોટે ભાગે વપરાશમાં લઇ શકાય તેવી વસ્તુઓ મળે છે. રોડ પર બજાર ભરાતું હોવાના કારણે ટ્રાફિક સહિતની સમસ્યાઓ રહેતી હોય છે. જેને નાથવા માટે પાલિકાની ટીમો દ્વારા કાર્યવાહી કરવામાં આવતી હોય છે. આ અગાઉ પણ શુક્રવારી બજારમાં પાલિકાની ટીમો દ્વારા કાર્યવાહી કરવામાં આવી ચુકી છે. પરંતુ તેની કોઇ ખાસ અસર જોવા મળી નથી.

આ પણ વાંચો --- VADODARA : બુટલેગરો વચ્ચે ગેંગવોરના એંધાણ, અલ્પુ સીધીંએ માર મારી ખંડણી માંગી