Vadodra: NH-48 પર હિટ-એન્ડ-રન, વૃદ્ધ સાયકલ સવારને કચડી આઇસર ચાલક ફરાર

Vadodra Hit and Run Case: નેશનલ હાઇવે 48 (NH-48) પર જાંબુઆ નજીક ગઈકાલે મોડી સાંજે એક દર્દનાક હિટ-એન્ડ-રન (Hit and Run) ની ઘટના સામે આવી છે. જેમાં એક વૃદ્ધ સાયકલ સવારને પુરપાટ ઝડપે આવી રહેલા આઇસર (Eicher Truck) ચાલકે જોરદાર ટક્કર મારી હતી. આ અકસ્માત એટલો ભયાનક હતો કે વૃદ્ધ સાયકલ પરથી ફંગોળાઈ ગયા હતા અને તેમને માથાના ભાગે ગંભીર ઈજાઓ પહોંચી હતી.

ઘટનાની જાણ થતા જ આસપાસના લોકો દોડી આવ્યા

ઘટનાની જાણ થતા જ આસપાસના લોકો દોડી આવ્યા હતા અને ઈજાગ્રસ્ત વૃદ્ધને તાત્કાલિક સારવાર માટે નજીકની હોસ્પિટલ (Hospital) ખસેડવામાં આવ્યા હતા. હાલ તેમની સ્થિતિ નાજુક હોવાનું જાણવા મળી રહ્યું છે. બીજી તરફ, અકસ્માત સર્જીને આઇસર ચાલક ઘટનાસ્થળેથી પોતાની ટ્રક લઈને ફરાર (Absconding) થઈ ગયો હતો.

Vadodra: આઇસર ચાલકની બેદરકારી

આ સમગ્ર ઘટના નજીકમાં લાગેલા સીસીટીવી (CCTV) કેમેરામાં કેદ થઈ ગઈ છે. ફૂટેજમાં સ્પષ્ટ દેખાય છે કે વૃદ્ધ પોતાની સાયકલ લઈને રસ્તાની સાઈડ પર જઈ રહ્યા હતા ત્યારે અચાનક પાછળથી આવતા આઇસર ચાલકે બેદરકારીપૂર્વક તેમને હડફેટે લીધા હતા. સ્થાનિક પોલીસ (Local Police) દ્વારા સીસીટીવીના આધારે ટ્રકનો નંબર મેળવવાની કવાયત હાથ ધરવામાં આવી છે. આ હાઇવે પર વારંવાર બનતા અકસ્માતોને લઈને સ્થાનિકોમાં પણ રોષ જોવા મળી રહ્યો છે. હાલમાં પોલીસે ગુનો નોંધીને ફરાર ડ્રાઈવરને પકડવા માટે વિવિધ ટીમો બનાવી છે.

આ પણ વાંચો: Valsad: કેબલ ખોદકામ દરમિયાન ગેસ લાઈનમાં બ્લાસ્ટ, હોટલમાં ભીષણ આગ લાગતા બે કર્મચારી ગંભીર