Gir Somnath: વેરાવળ દરિયા કિનારે કરુણ દુર્ઘટના, મિત્રને બચાવવા જતાં યુવતીએ જીવ ગુમાવ્યો

મોજાંએ યુવતીને દરિયામાં ખેંચી લીધી

પ્રાપ્ત માહિતી અનુસાર, નિકિતા અને તેની મિત્ર આરતીબેન ઉદયભાઈ વાયલુ દરિયા કિનારાના માર્ગે જઈ રહ્યા હતા. આ દરમિયાન દરિયાના ઉછળતા મોજાંએ અચાનક નિકિતાને ખેંચી લેતા તે પાણીમાં ગરકાવ થઈ ગઈ હતી. તેને ડૂબતી જોઈને આરતીબેને તેને બચાવવા માટે પૂરો પ્રયાસ કર્યો હતો, પરંતુ આ પ્રયાસમાં નિકિતાને બચાવી શકાય નહીં અને આરતીબેનને પણ ગંભીર ઈજાઓ પહોંચી હતી.

મિત્રવર્તુળમાં શોકનું મોજું

આસપાસના લોકોએ તાત્કાલિક બંને યુવતીઓને વેરાવળની સરકારી હોસ્પિટલ (Government Hospital Veraval) ખાતે સારવાર માટે ખસેડી હતી. હોસ્પિટલ ખાતે ફરજ પરના તબીબોએ નિકિતા પંડિતને મૃત જાહેર કરતા પરિવારજનો અને મિત્રવર્તુળમાં શોકનું મોજું ફરી વળ્યું હતું. આરતીબેન હાલ સારવાર હેઠળ છે અને તેમની સ્થિતિ અંગે વધુ માહિતી મેળવવામાં આવી રહી છે.

Veraval Beach Incident: પ્રવાસન સ્થળોની સુરક્ષા અંગે  ગંભીર સવાલો

આ ઘટનાને પગલે સ્થાનિક વહીવટીતંત્ર અને પ્રવાસન સ્થળોની સુરક્ષા (Coastal Safety) અંગે ફરી એકવાર ગંભીર સવાલો ઉભા થયા છે. વેરાવળ પોલીસ દ્વારા સમગ્ર મામલે તપાસ હાથ ધરવામાં આવી છે કે યુવતીઓ દરિયા કિનારે કયા સંજોગોમાં હતી અને શું ત્યાં કોઈ સુરક્ષા ચેતવણીના બોર્ડ હતા કે કેમ. આ કરુણ બનાવને કારણે વેરાવળ શહેર અને મૃતક યુવતીના વતનમાં ભારે શોકની લાગણી પ્રસરી ગઈ છે.

આ પણ વાંચો: Ahmedabad Rain : વરસાદ બંધ થયાના 12 કલાક પછી પણ નિકોલ રિંગ રોડ પર