Vikasit Gujarat@2047 : ગાંધીનગરમાં GRITની ગવર્નિંગ બોડીની બીજી બેઠક સંપન્ન! ગુજરાતના ભવિષ્યનો રોડમેપ તૈયાર થઈ ગયો છે. 

ગુજરાતને 'વિકસિત ગુજરાત @2047'ના લક્ષ્ય સુધી લઈ જવા માટે રચાયેલી રાજ્યની મહત્વની થિંક ટેન્ક, ગુજરાત રાજ્ય ઇન્સ્ટિટ્યૂશન ફોર ટ્રાન્સફોર્મેશન (GRIT) ની ગવર્નિંગ બોડીની બીજી બેઠક મુખ્યમંત્રી  ભૂપેન્દ્ર પટેલ(CM Bhupendra Patel)ના અધ્યક્ષસ્થાને ગાંધીનગરમાં યોજાઈ હતી. રાજ્યના ભવિષ્યને આકાર આપતી આ બેઠકમાં નાયબ મુખ્યમંત્રી  હર્ષ સંઘવી, નાણામંત્રી કનુભાઈ દેસાઈ, કૃષિ મંત્રી જીતુભાઈ વાઘાણી, અને શિક્ષણ મંત્રી  ડો. પ્રદ્યુમન વાજા સહિતના મહાનુભાવો સહભાગી થયા હતા.

Vikasit Gujarat@2047  : "વિકસિત ગુજરાત સ્ટ્રેટેજી રૂમ"નું લોકાર્પણ: હવે ડેટા બોલશે!

મુખ્યમંત્રીશ્રીએ બેઠક પહેલાં "વિકસિત ગુજરાત સ્ટ્રેટેજી રૂમ" નું લોકાર્પણ કર્યું. આ રૂમ માત્ર એક ઓફિસ નથી, પરંતુ ગુજરાતના વિકાસ કાર્યોનું 'બ્રેઇન સેન્ટર'  Brain Centre છે!

• ડેટા એનાલિસિસ: અહીં વિકસિત ગુજરાત @2047 ના લક્ષ્યોની પ્રગતિનું ઊંડું વિશ્લેષણ થશે.

• KPI ટ્રેકિંગ: વિવિધ યોજનાઓના અમલનું મૂલ્યાંકન અને 'કી પરફોર્મન્સ ઇન્ડિકેટર' (KPI) ડેટાનું ટ્રેકિંગ હાથ ધરાશે.

• ભવિષ્યલક્ષી માર્ગદર્શન: આ સ્ટ્રેટેજી રૂમમાં ઉપલબ્ધ ડિજિટલ ડેશ બોર્ડ અને સંશોધન સુવિધાઓ નીતિ-નિર્ધારકોને નિર્ણયો લેવામાં મદદ કરશે.

Vikasit Gujarat@2047 જિલ્લાના વિકાસને નવી દિશા: 'ડિસ્ટ્રિક્ટ ડોમેસ્ટિક પ્રોડક્ટ એસ્ટીમેટ્સ'District Domestic Product Estimates' નું વિમોચન

રાજ્યના જિલ્લાઓમાં સમાન અને ટકાઉ વિકાસ આયોજન માટે આયોજન પ્રભાગ દ્વારા એક પહેલરૂપ કાર્ય કરવામાં આવ્યું છે. મુખ્યમંત્રીશ્રીના હસ્તે જિલ્લાઓના **'ડિસ્ટ્રિક્ટ ડોમેસ્ટિક પ્રોડક્ટ એસ્ટીમેટ્સ'**નું વિમોચન કરવામાં આવ્યું. આનાથી હવે સ્થાનિક સ્તરે વિકાસ યોજનાઓ વધુ અસરકારક રીતે બનાવી શકાશે.

Vikasit Gujarat@2047 :  મુખ્યમંત્રીશ્રીનું વિઝન: ભવિષ્યલક્ષી થિંક ટેન્ક તરીકે GRIT

મુખ્યમંત્રી શ્રી ભૂપેન્દ્ર પટેલે સ્પષ્ટપણે જણાવ્યું કે, GRIT એ વિકસિત ગુજરાત@2047 અને ગુજરાત@2035 નો રોડ મેપ સાકાર કરવામાં મહત્વપૂર્ણ ભૂમિકા નિભાવશે.

મુખ્યમંત્રીના મુખ્ય અંશો:

• "સ્થાપનાના માત્ર 15 મહિનાના ટૂંકા ગાળામાં, યુવા ટીમ સાથે GRIT રાજ્યની ભવિષ્યલક્ષી થિંક ટેન્ક તરીકે પ્રસ્થાપિત થઈ ગયું છે."

• "રોજબરોજના કામનો ડેટા GRITમાં ઉપલબ્ધ છે. ફોક્સ એરિયામાં તેના અસરકારક અમલીકરણ માટે સંકલન કેળવીએ."

• આ ડેટાના આધારે કયા વિભાગો પર વધુ ફોકસ કરવાની જરૂર છે, તે જાણીને આગળ વધી શકાશે. 

4 ટ્રિલિયન ડોલર ઇકોનોમીનો રોડમેપ

GRITના સી.ઈ.ઓ.  એસ. અપર્ણાએ પ્રેઝન્ટેશનમાં 2047 સુધીમાં ગુજરાતની ઇકોનોમીને 4 ટ્રિલિયન ડોલર સુધી પહોંચાડવા અને 280 લાખ નવી રોજગારી સર્જન માટેના રિજીયોનલ ઇકોનોમિક માસ્ટર પ્લાનની વિગતો આપી હતી.

• સંશોધન અને પ્રકાશનો: GRIT દ્વારા એજ્યુકેશન, ફિશરીઝ, બ્લુ સ્કાય પોલિસી, ગ્રીન મેન્યુફેક્ચરિંગ જેવા વિષયો પર 19 જેટલા પ્રકાશનો અને નીતિ વિષયક પેપર્સ તૈયાર કરવામાં આવ્યા છે.

નાયબ મુખ્યમંત્રી  હર્ષ સંઘવી (Harsh Sanghavi)એ સૂચવ્યું કે GRITના આ ડેટાનો ઉપયોગ આગામી બજેટ તૈયાર કરવામાં વિભાગો માટે ખૂબ જ મદદરૂપ બની શકે છે.

સમગ્ર બેઠકમાં મુખ્યમંત્રીની GRITને 'પ્રિમિયર ઇન્સ્ટિટ્યૂટ' તરીકે પ્રસ્થાપિત કરવાની પ્રતિબદ્ધતાને સૌ સભ્યોએ બિરદાવી હતી. આ બેઠકમાં મુખ્ય સચિવ એમ. કે. દાસ અને મુખ્યમંત્રીના મુખ્ય સલાહકાર  ડો. હસમુખ અઢિયા સહિતના વરિષ્ઠ અધિકારીઓ પણ ઉપસ્થિત રહ્યા હતા.

આ પણ વાંચો : Khadi product sales : ખાદી ચમકી! ગુજરાતમાં વેચાણનો વિક્રમ