ઉત્તર પ્રદેશમાં 10 જિલ્લાની 57 બેઠકોના ઉમેદવારોનું ભવિષ્ય EVMમાં કેદ, છઠ્ઠા તબક્કામાં કુલ 55.79 % મતદાન થયું

ઉત્તર પ્રદેશમાં વિધાનસભા ચૂંટણીના છઠ્ઠા તબક્કા માટે આજે 10 જિલ્લાની 57 બેઠકો પર મતદાન થયુ હતુ. યુપી વિધાનસભા ચૂંટણીના છઠ્ઠા તબક્કામાં સાંજે 5 વાગ્યા સુધી 53.31 ટકા મતદાન નોંધાયું છે.ઉત્તર પ્રદેશમાં બસ્તી, સંત કબીરનગર, સિદ્ધાર્થનગર, મહારાજગંજ, કુશીનગર, દેવરિયા, ગોરખપુર, બલરામપુર, આંબેડકર નગર અને બલિયામાં 57 બેઠકો માટે મતદાન ચાલી રહ્યું છે. સાંજે 4 વાગ્યા સુધી યુપીમાં 46.70 ટકા મતદાન થયું છે. આંબેડકર નગરમાં સૌથી વધુ મતદાન થયું હતું. દેવરિયામાં ભાજપના કાર્યકર્તાએ EVMના વાયર તોડી નાખ્યા. સપાએ આ મુદ્દે ભારે હોબાળો પણ મચાવ્યો હતો. ઉત્તર પ્રદેશ વિધાનસભા ચૂંટણીના છઠ્ઠા તબક્કામાં આજે 10 જિલ્લાની 57 વિધાનસભા બેઠકો માટે મતદાન થઈ રહ્યું છે. ભાજપ માટે આ ખૂબ જ મહત્વપૂર્ણ તબક્કો છે, કારણ કે 2017માં ભાજપે આ 57માંથી 46 બેઠકો જીતી હતી.

છઠ્ઠા તબક્કામાં મુખ્યમંત્રી યોગી આદિત્યનાથ સહિત 676 ઉમેદવારોના ભાવિનો નિર્ણય થશે. આજે જે જિલ્લાઓમાં ચૂંટણી યોજાઇ રહી છે.  તેમાં બસ્તી, સંત કબીરનગર, સિદ્ધાર્થનગર, મહારાજગંજ, કુશીનગર, દેવરિયા, ગોરખપુર, બલરામપુર, આંબેડકર નગર અને બલિયાનો સમાવેશ થાય છે.

મુખ્ય ચૂંટણી અધિકારી અજય કુમાર શુક્લાએ જણાવ્યું કે આ તબક્કામાં 2.15 કરોડ મતદારો તેમના મતાધિકારનો ઉપયોગ કરી શકશે. જેમાં 1.15 કરોડ પુરૂષ અને 1 કરોડ મહિલા મતદારોનો સમાવેશ થાય છે. 1353 થર્ડ જેન્ડર પણ આ તબક્કામાં તેમના મતાધિકારનો ઉપયોગ કરી શકશે. 676 ઉમેદવારોમાંથી મહિલા ઉમેદવારોની સંખ્યા 66 છે.

આ તબક્કામાં કુલ 25326 મતદાન સ્થળો અને 13936 મતદાન મથકો તૈયાર કરવામાં આવ્યા છે. તેમાંથી 50 ટકા મતદાન મથકોનું લાઈવ વેબકાસ્ટિંગ કરવામાં આવશે. આ તબક્કામાં કુલ 1113 આદર્શ મતદાન મથકો અને 76 આવા બૂથ બનાવવામાં આવ્યા છે જ્યાં તમામ કાર્યકરો મહિલાઓ હશે.   

આ તબક્કામાં કુલ 9 વિધાનસભા ક્ષેત્રોને સંવેદનશીલ તરીકે જાહેર કરવામાં આવ્ય છે. તેમાં ગોરખપુર શહેર, સિદ્ધાર્થનગરની બંસી, ઇટાવા, ડુમરિયાગંજ, બલિયા નગર, ફેફના, બૈરિયા, સિકંદરપુર અને બંસદીહ બેઠકોનો સમાવેશ થાય છે. આ સિવાય 2962 મતદાન સ્થળોને અત્યંત સંવેદનશીલ ગણવામાં આવ્યા છે.