છોટાઉદેપૂરના આ ગામમાં ન તો ચૂંટણી યોજાશે, ન મતદાન, ગુજરાતના છ ગામોની વચ્ચે , પણ ગણાય MPમાં

છોટા ઉદેપૂર તાલુકામાં ગુજરાત-મધ્યપ્રદેશની સરહદ નજીક  ગુજરાતના લગભગ છ જેટલા ગામોની વચ્ચે એક એવું ગામ આવેલું છે જયાં હાલ ચૂંટણીની કોઇ ચહેલ પહેલ નથી.. કારણ કે અહીં ન તો ચૂંટણી યોજાશે ન મતદાન.. કારણ એ છે કે આ ગામ ભલે ગુજરાતના છ જેટલા ગામોની વચ્ચે આવેલું હોય પરંતુ આ ગામ મધ્યપ્રદેશમાં ગણાય છે. 

આ ગામનું નામ છે સજનપુર.. જે  દિયાવાંટ,કોલૂ,કઠીવાડા, ગુણાટા, કનાસ,મોટીસાધલી આ તમામ કે જે  ગુજરાતના ગામો છે, તેમની વચ્ચે આવેલું છે.. પરંતુ તેનો સમાવેશ ગુજરાતમાં થતો નથી. સજનપુર ગામ મધ્યપ્રદેશમાં ગણાય છે જેના કારણે અહીં ગુજરાતની ચૂંટણીની કોઇ અસર જોવા નથી મળી રહી.. તમારા મનમાં ચોક્કસ એ સવાલ થશે કે છોટા ઉદેપુર ગુજરાતમાં છે તો આ ગામ મધ્યપ્રદેશમાં કેમ.. સવાલ એ પણ થાય કે આસપાસના તમામ ગામો ગુજરાતમાં હોય તો તેમની વચ્ચે આવેલું કોઇ ગામ કઇ રીતે બીજા રાજ્યમાં હોઇ શકે. ચાલો આ સવાલનો જવાબ મેળવીએ 

વર્ષો પહેલા આ ગામમાં સાધુઓની સંખ્યા ખુબ વધારે હતી.રજવાડાના સમયે આ ગામના સાધુએ મધ્યપ્રદેશના રાજા પાસેથી જાત્રા કરવા જવા માટે રકમ લીધી હતી અને તેની સામે આ ગામને તેઓએ રાજાને  આપ્યું હતું. તેમણે રાજાને કહ્યુ હતું કે, અમે પરત આવીશું અને આ ગામને છોડાવી લઈશું. પરંતુ  સાધુ પરત ના આવ્યા અને  ગામને ના છોડાવ્યું. ત્યારથી આ ગામ મધ્યપ્રદેશના હસ્તકમાં છે. 

આ પણ વાંચો -  નર્મદા વિરોધીઓના ખભે હાથ મુકીને કેમ દોડો છો...PM MODIનો વેધક સવાલ