ગુજરાત ચૂંટણી પહેલા 'પ્રજાશક્તિ ડેમોક્રેટિક પાર્ટી' સાથે શંકરસિંહ બાપુ ફરી સક્રિય

ગુજરાતમાં જેમ જેમ ચૂંટણી નજીક આવી રહી છે તેમ-તેમ રાજકારણમાં માહોલ ગરમાયો છે. ગુજરાતમાં વિધાનસભાની ચૂંટણી જેમ-જેમ નજીક આવી રહી છે તેમ-તેમ રાજકીય ગરમાવો વધી રહ્યો છે. આગામી ચૂંટણીને લઈને ગુજરાતમાં બીજેપી, કોંગ્રેસ, આપ દરેક રાજકીય પાર્ટીઓ સક્રીય થઈ છે. બીજી તરફ આજે ગુજરાતના પૂર્વ મુખ્યમંત્રી શંકરસિંહ વાઘેલા પણ ગુજરાત વિધાનસભા ચૂંટણી પહેલા સક્રિય થયા છે. ત્યારે મળતી માહિતી પ્રમાણે બાપુએ ફરીથી એક નવી પાર્ટી સાથે રાજકારણમાં આવે  તેવા સંકેત આપ્યા છે. ગુજરાત ફર્સ્ટ સાથે વાત કરી હતી.  મહત્વનું છે કે, 2017માં પણ શંકરસિંહ વાઘેલાએ ઇલેક્શન સમયે 'જન વિકલ્પ'ના નામે પાર્ટી ઉભી કરી હતી. ત્યારે હવે એકવાર ફરી 'પ્રજાશક્તિ ડેમોક્રેટિક પાર્ટી' લઈને શંકરસિંહ વાઘેલા ચૂંટણી  મેદાનમાં આવી રહ્યાં છે.

ગુજરાત વિધાનસભા ચૂંટણીને લઈને મોટા સમાચાર સામે આવ્યાં છે.  ગુજરાત ચૂંટણી પહેલા ફરી એકવાર પૂર્વ મુખ્યમંત્રી શંકરસિંહ વાઘેલા સક્રિય રાજકારણમાં ઝંપલાવ્યું છે.આજે તેમણે જાહેરાત કરી છે કે ચૂંટણી પહેલા 'પ્રજાશક્તિ ડેમોક્રેટિક પાર્ટી' લઈને આવશે. શંકરસિંહ વાઘેલા વિધાનસભા ચૂંટણી પહેલા પોતાની અલગ પાર્ટી બનાવશે. જોકે આવનાર ટૂંક સમયમાં શંકરસિંહ વાઘેલા પોતાની અલગથી પાર્ટીની જાહેરાત કરશે. 

શંકરસિંહ બાપુએ 3 સપ્તાહ અગાઉ સમર્થકો સાથે તેમના નિવાસ્થાને મહત્વની બેઠક કરી હતી. આ બેઠકમાં શંકરસિંહે આગામી વિધાનસભાની ચૂંટણીમાં કેવા પ્રકારની કામગ્રીરી કરવી તે મામલે ચર્ચા કરી હતી. આ બેઠક દરમ્યાન કોંગ્રેસમાં જોડાવવા અંગે તેમજ ગુજરાતના લઠ્ઠાકાંડ અંગે તેઓએ મહત્વનું નિવેદન આપ્યું હતું. શંકરસિંહ વાઘેલાએ કોંગ્રેસમાં જોડાવવા અંગે મહત્વનું નિવેદન આપતા જણાવ્યું હતું કે, 'હાલ મારી કોંગ્રેસના મિત્રો સાથે વાત ચાલી રહી છે. શંકરસિંહ વાઘેલાએ કોંગ્રેસમાં જવાના એંઘાણ આપ્યા હતા,  તેમણે જો ગુજરાત કોંગ્રેસ દારૂબંધી હટાવવાનું વચન આપે તો તેઓ કોંગ્રેસમાં જોડાશે તેવી તેમને શરત મૂકી હતી.

આ પણ વાંચો -  મિશન 2022 : જાણો કેમ ગુજરાતના બન્ને સિનિયર મંત્રીઓ પાસેથી ખાતા પરત લેવાયા? બે કેન્દ્રના નેતાઓનો ચૂંટણી પ્રવાસ શરુ