યોગીએ કેજરીવાલને કહ્યા 'નમુનો' કહ્યું દિલ્હીથી આવેલો નમુનો આતંકવાદનો સમર્થક

ગુજરાતમાં ચૂંટણી સભાને સંબોધિત કરતી વખતે ઉત્તર પ્રદેશના મુખ્યમંત્રી યોગી આદિત્યનાથે  દિલ્હીના મુખ્યમંત્રી અરવિંદ કેજરીવાલ પર નિશાન સાધ્યું. યોગી આદિત્યનાથે તેમને આતંકવાદના સમર્થક ગણાવ્યા.સીએમ યોગીએ સેનાની બહાદુરીનો પુરાવો માંગવાને લઇને પણ અરવિંદ કેજરીવાલ પર નિશાન સાધ્યું..જો કે AAP નેતા અને સાંસદ સંજય સિંહે અને અરવિંદ કેજરીવાલે મુખ્યમંત્રી યોગીને વળતો જવાબ પણ આપ્યો. 

યોગી આદિત્યનાથે જનસભાને સંબોધતા કહ્યું કે દિલ્હીની આમ આદમી પાર્ટીનું મોડલ આતંકવાદનું હિતેચ્છુ મોડેલ છે.તે અયોધ્યામાં રામ મંદિરનો વિરોધ કરે છે અને જ્યારે ભારતીય સેના પાકિસ્તાનમાં જઈને સર્જિકલ સ્ટ્રાઈક કરે છે ત્યારે તે ભારતના બહાદુર સૈનિકોને કહે છે કે આનો પુરાવો શું છે ? તેમણે વધુમાં કહ્યું કે પાકિસ્તાન બૂમો પાડી રહ્યું છે કે ભારતના સૈનિકોએ અમારી કમર તોડી નાખી છે, પરંતુ આમ આદમી પાર્ટીને આના પણ પુરાવાની પણ જરૂર પડે છે. આતંકવાદ અને ભ્રષ્ટાચાર તેમના જનીનનો ભાગ છે. તેથી જ ભ્રષ્ટાચારીઓ  અને આતંકવાદના સમર્થકોને તમારો મત આપીને તમારા મતને કલંકિત ન કરો.

સીએમ અરવિંદ કેજરીવાલે ટ્વીટ કરીને કહ્યું કે જો તમારે ગંદી ગાળો, ગુંડાગીરી, ભ્રષ્ટાચાર, ગંદી રાજનીતિ જોઈતી હોય તો તેમને મત આપો. જો તમારે શાળા, હોસ્પિટલ, વીજળી, પાણી, રસ્તા જોઈતા હોય તો મને મત આપો. આનો જવાબ આપતા AAP સાંસદ સંજય સિંહે ટ્વીટ કર્યું કે ઉંટ  હવે પહાડની નીચે આવી ગયું છે. બીજેપીએ અરવિંદ કેજરીવાલનું નામ ન લેવાનો ઘણો પ્રયાસ કર્યો, પરંતુ બાબાજી માન્યા નહીં. એટલે કે ભાજપ ગુજરાતમાં હારી રહ્યું છે.

ઉલ્લેખનીય છે કે, ગુજરાત વિધાનસભાની ચૂંટણીમાં ભાજપ, કોંગ્રેસ અને AAP વચ્ચે ત્રિકોણીય મુકાબલો જોવા મળી શકે છે. ગુજરાતમાં બે તબક્કામાં ચૂંટણી યોજાશે. ગુજરાતમાં વિધાનસભાની ચૂંટણી માટે 1 અને 5 ડિસેમ્બરે મતદાન થશે.

આ પણ વાંચો  -  મંજુરી વગર રાજકીય પક્ષોના બેનરો લગાવનારા રીક્ષાચાલકો સામે કડક વલણ , કલેક્ટરે કાર્યવાહી કરવા RTOને લખ્યો પત્ર