• નાઈજર નદીમાં બોટ પલટવાની દુર્ઘટના
• 27 લોકોના જીવ ગયા, 100થી વધુ ગુમ
• બોટમાં ક્ષમતા કરતા હતા વધુ મુસાફરો

Niger river Accident : નાઈજીરિયામાં નાઈજર નદીમાં સર્જાયેલી ગમખ્વાર દુર્ઘટના (Tragic Accident) માં 27 લોકોના જીવ ગયા છે, જ્યારે 100થી વધુ લોકો હજુ સુધી ગુમ હોવાનું સામે આવ્યું છે. ગુમ થયેલા લોકોમાં મોટાભાગે મહિલાઓ છે. આ દુર્ઘટના ત્યારે બની જ્યારે લગભગ 200 મુસાફરોને લઈને બોટ નાઈજર રાજ્ય (Niger State) તરફ જઈ રહી હતી.

બોટમાં ક્ષમતા કરતા વધુ મુસાફરો

દુર્ઘટનાની વિગતો મુજબ, આ બોટ નાઈજીરિયાના કોગી રાજ્યથી પડોશી નાઈજર રાજ્યમાં મુસાફરી કરી રહી હતી. દુર્ભાગ્યે, બોટમાં ક્ષમતા કરતાં વધારે મુસાફરો હોવાના કારણે તે નદીના મધ્યભાગે પલટી ગઈ. આ ઘટના અંગે નાઈજર રાજ્યની કટોકટી વ્યવસ્થાપન એજન્સીના પ્રવક્તા ઇબ્રાહિમ ઓડુએ જણાવ્યું હતું કે બચાવ કામગીરી ચાલી રહી છે, પણ ગુમ થયેલા લોકોને બચાવવાની શક્યતા ઓછી છે. બોટમાં મુખ્યત્વે મધ્ય કોગી રાજ્યના મીસા સમુદાયના વેપારીઓ સવાર હતા, જે પડોશી નાઈજર રાજ્યમાં સાપ્તાહિક બજાર જઈ રહ્યા હતા. નેશનલ ઇનલેન્ડ વોટરવેઝ ઓથોરિટી (NIWA) ના પ્રવક્તા મકામા સુલેમાનના જણાવ્યા મુજબ, બોટમાં ઓવરલોડિંગના કારણે વધુ જોખમ ઊભું થયું હતું. બોટમાં લગભગ 200થી વધુ મુસાફરો હતા, જેમાંથી મોટાભાગે મહિલાઓ હતી. આ પ્રવાસીઓએ લાઈફ જેકેટ ન પહેર્યાં હોવાથી તેમના જીવ ખતરામાં મૂકાઈ ગયા હતા.

At least 100 people are missing after a boat capsized along the River Niger in northern Nigeria, authorities say, reports AP.

— Press Trust of India (@PTI_News) November 29, 2024

વારંવાર બને છે આવી ઘટના

સ્થાનિક ટીવી ચેનલના અહેવાલ મુજબ, ઘટનાસ્થળે 27 લોકોના મોતની પુષ્ટિ થઈ છે. સ્થાનિક ડાઈવર્સ ગુમ થયેલા લોકો માટે સતત બચાવ પ્રયાસ કરી રહ્યા છે. પશ્ચિમ આફ્રિકાના દેશ નાઈજીરીયામાં આવી બોટ પલટી જવાની ઘટનાઓ વારંવાર બનતી રહે છે, જેનું મુખ્ય કારણ ઓવરલોડિંગ, પ્રતિકૂળ હવામાન પરિસ્થિતિઓ અને બોટ ચલાવવામાં થઈ રહેલી ભૂલો છે. અધિકારીઓએ આ દુર્ઘટનાને પગલે લોકો માટે વધુ સાવચેત રહેવા અને બોટ પર સલામતીના નિયમોનું પાલન કરવા માટે આહ્વાન કર્યું છે. પરિસ્થિતિને સુધારવા માટે બોટની ક્ષમતા પ્રમાણે મુસાફરોની સંખ્યા નિયંત્રિત કરવા અને લાઈફ જેકેટના ઉપયોગને ફરજિયાત બનાવવા પર ભાર મુકાયો છે.

આ પણ વાંચો:  Sri Lanka માં ભારે વરસાદ બાદ પરિસ્થિતિ વધુ વણસી, 12 ના મોત