Afghanistan Air Strike : અફઘાનિસ્તાનની પાકિસ્તાન પર એર સ્ટ્રાઈક, ક્વેટા આર્મી હેડક્વાર્ટર ધણધણ્યું
- Afghanistan ની પાકિસ્તાન પર મોટી Air Strike
- પાકિસ્તાનના ક્વેટામાં આર્મી કોર મુખ્યાલય પર હુમલો
- પાકિસ્તાની સેનાના અંધાદૂંધ બોમ્બમારાનો વળતો પ્રહાર
- બંને દેશો વચ્ચે સીમા પર ભભૂકી ઉઠી યુદ્ધની જ્વાળા
- પાકિસ્તાને 352 લડવૈયા માર્યા હોવાનો કર્યો હતો દાવો
- અફઘાનિસ્તાનની કાર્યવાહી બાદ એશિયામાં તણાવ ચરમસીમાએ
Afghanistan Air Strike : ઈઝરાયેલ-ઈરાન યુદ્ધના કારણે સર્જાયેલા વૈશ્વિક તણાવ વચ્ચે દક્ષિણ એશિયામાં પણ યુદ્ધ જેવી સ્થિતિ નિર્માણ પામી છે. અફઘાનિસ્તાનની ઈસ્લામિક અમીરાત ફોર્સિસ (Islamic Emirate of Afghanistan) દ્વારા પાકિસ્તાનના ક્વેટા (Quetta) સ્થિત પાકિસ્તાની આર્મી કોર મુખ્યાલય પર જોરદાર એર સ્ટ્રાઈક (Air Strike) કરવામાં આવી છે. આ હુમલાએ બંને દેશો વચ્ચે ચાલી રહેલા સીમા વિવાદને ગંભીર વળાંક આપ્યો છે.
Afghanistan Air Strike : હુમલાનું મુખ્ય કારણ (Reason for Attack)
સુરક્ષા સૂત્રો અને ટોલો ન્યૂઝ (TOLOnews) ના અહેવાલ મુજબ, અફઘાનિસ્તાન દ્વારા કરવામાં આવેલી આ કાર્યવાહી ગત રાત્રે પાકિસ્તાની સેના દ્વારા કરવામાં આવેલા "અંધાદૂંધ બોમ્બમારો" ના જવાબમાં લેવામાં આવેલું પગલું છે. અફઘાનિસ્તાને સ્પષ્ટ કર્યું છે કે આ સંપૂર્ણપણે વળતો પ્રહાર (Retaliatory Action) છે.
પાકિસ્તાનનો દાવો અને નુકસાન (Pakistan's Claim and Losses)
આ એર સ્ટ્રાઈક પહેલા પાકિસ્તાનના માહિતી મંત્રી અત્તાઉલ્લાહ તરાર દ્વારા દાવો કરવામાં આવ્યો હતો કે 'ઓપરેશન ગઝબ-લિલ-હક' (Operation Gazab-lil-Haq) અંતર્ગત અફઘાન તાલિબાનના આશરે 352 લડવૈયાઓ માર્યા ગયા છે અને 535 ઘાયલ થયા છે. પાકિસ્તાની સેનાએ 130 સૈન્ય ચોકીઓ નષ્ટ કરી 26 સીમા ચોકીઓ પર કબજો મેળવ્યો હોવાનો પણ દાવો કર્યો હતો.
Afghanistan has attacked Pakistan in response to the air strike Pakistan carried out against civilians last week pic.twitter.com/AnffvxE8kM
— Hindutva Knight (@HPhobiaWatch) February 26, 2026
આરોપ-પ્રત્યારોપનું રાજકારણ (Allegations and Diplomacy)
પાકિસ્તાન લાંબા સમયથી આરોપ લગાવતું આવ્યું છે કે અફઘાનિસ્તાન તેની ધરતીનો ઉપયોગ તહરીક-એ-તાલિબાન પાકિસ્તાન (TTP) જેવા આતંકવાદી સંગઠનોને આશ્રય આપવા માટે કરે છે. બીજી તરફ, અફઘાનિસ્તાન આ આરોપોને નકારી રહ્યું છે. આ દરમિયાન, અમેરિકાના એક વરિષ્ઠ અધિકારીએ આતંકવાદ વિરુદ્ધ પાકિસ્તાનના આત્મરક્ષાના અધિકાર (Right to Self-Defense) નું સમર્થન કર્યું છે, જેનાથી સ્થિતિ વધુ જટિલ બની છે.
આ પણ વાંચો : Claude AI US Military: શું AI હવે યુદ્ધ જીતાડશે? ઈરાન સ્ટ્રાઈકમાં ક્લોડ AI ના વપરાશથી ખળભળાટ
આ પણ વાંચો : ખામેનીના અવસાન બાદ ઇરાનના રાષ્ટ્રપતિ મસૂદ પેઝેશ્કિયાને રાષ્ટ્ર સંબોધનમાં આપ્યું મોટું નિવેદન!