Afghanistan Pakistan Conflict: તાલિબાને રાવલપિંડીના નૂર ખાન એરબેઝ અને ક્વેટા સૈન્ય મથક પર કરી એરસ્ટ્રાઇક
- રાવલપિંડીના નૂર ખાન એરબેઝ અને ક્વેટા સૈન્ય મથક પર કર્યા હવાઈ હુમલા (Afghanistan Pakistan Conflict)
- પાકિસ્તાને કાબુલ અને બગ્રામ એરબેઝ પર થયેલા બોમ્બમારાનો લીધો બદલો
- અફઘાન એરસ્પેસમાં પ્રવેશતા તાલિબાને મિસાઈલ ડિફેન્સ સિસ્ટમ કરી એક્ટિવ
દક્ષિણ એશિયામાં ફરી એકવાર સૈન્ય તણાવ ચરમસીમાએ પહોંચ્યો છે. અફઘાનિસ્તાન (Afghanistan) માં સત્તાધારી તાલિબાન સરકારના સંરક્ષણ મંત્રાલય (Ministry of Defense) એ મોટો દાવો કર્યો છે કે તેણે પાકિસ્તાન (Pakistan) ના અનેક મહત્વના સૈન્ય સ્થાપનો પર સફળતાપૂર્વક એર સ્ટ્રાઈક કરી છે. આ કાર્યવાહી પાકિસ્તાન દ્વારા અફઘાન ક્ષેત્રમાં કરવામાં આવેલા તાજેતરના હવાઈ હુમલાના જવાબમાં કરવામાં આવી હોવાનું જણાવાયું છે.
(Afghanistan Pakistan Conflict : પાકિસ્તાનના સૈન્ય મથકો પર એર સ્ટ્રાઈક
તાલિબાન સંરક્ષણ મંત્રાલય દ્વારા બહાર પાડવામાં આવેલા સત્તાવાર નિવેદન અનુસાર, અફઘાન વાયુસેનાએ પાકિસ્તાનના રાવલપિંડી (Rawalpindi) માં આવેલા નૂર ખાન એરબેઝ (Noor Khan Airbase) ને નિશાન બનાવ્યું છે. આ ઉપરાંત, ક્વેટા (Quetta) માં 12મી કોર્પ્સ, ખૈબર પખ્તુનખ્વા (Khyber Pakhtunkhwa) ના મોહમ્મદ એજન્સી વિસ્તાર અને ગલાની સૈન્ય મથક પર પણ બોમ્બમારો કરવામાં આવ્યો છે. તાલિબાનનો દાવો છે કે આ સંકલિત હુમલાઓમાં પાકિસ્તાની સેનાને વ્યાપક નુકસાન થયું છે.
કાબુલ અને બગ્રામ એરબેઝ પર હુમલો
આ સંઘર્ષની શરૂઆત ત્યારે થઈ જ્યારે પાકિસ્તાની સૈન્યએ અફઘાનિસ્તાનની રાજધાની કાબુલ (Kabul) અને બગ્રામ એરબેઝ (Bagram Airbase) સહિતના વિસ્તારોમાં હવાઈ હુમલા કર્યા હતા. અલ-જઝીરા (Al Jazeera) ના અહેવાલ મુજબ, કાબુલમાં ભયાનક વિસ્ફોટો સંભળાયા હતા. તાલિબાન સરકારે વળતો પ્રહાર કરતા જણાવ્યું કે તેમના દળોએ પાકિસ્તાની વિમાનો પર ગોળીબાર કર્યો હતો અને એન્ટી-એરક્રાફ્ટ મિસાઈલ ડિફેન્સ સિસ્ટમ (Missile Defense Systems) તૈનાત કરી દીધી છે.
સરહદી તણાવ અને તાલિબાનની ચેતવણી
બંને પાડોશી દેશો વચ્ચેનો આ ગતિરોધ હવે ચોથા દિવસે પ્રવેશી ગયો છે. તાલિબાને સ્પષ્ટ શબ્દોમાં ચેતવણી આપી છે કે જો પાકિસ્તાન ફરીથી તેમના હવાઈ ક્ષેત્ર (Airspace) નું ઉલ્લંઘન કરશે અથવા કોઈ આક્રમક કાર્યવાહી કરશે, તો તેણે વધુ મજબૂત બદલાની કાર્યવાહીનો સામનો કરવો પડશે. બગ્રામ એરબેઝ, જે ભૂતકાળમાં અમેરિકા (USA) નું મુખ્ય સૈન્ય મથક હતું અને જેમાં ડોનાલ્ડ ટ્રમ્પ (Donald Trump) એ પણ રસ દાખવ્યો હતો, તેને નિશાન બનાવવાનો પાકિસ્તાની પ્રયાસ તાલિબાને નિષ્ફળ બનાવ્યો હોવાનો દાવો કર્યો છે.
આ પણ વાંચો: Afghanistan Air Strike : અફઘાનિસ્તાનની પાકિસ્તાન પર એર સ્ટ્રાઈક, ક્વેટા આર્મી હેડક્વાર્ટર ધણધણ્યું