Donald Trump: અમેરિકામાં મોંઘવારી આસમાને, ટ્રમ્પે આ વસ્તુઓ પરથી ટેરિફ હટાવી લેવા પડ્યા!

નોંધનીય છે કે આ મહિનાની ઑફ-યર ચૂંટણીઓમાં ડેમોક્રેટ્સે વર્જિનિયા, ન્યુ જર્સી અને અન્ય સ્થળોએ મોટી જીત મેળવી છે. આ પછી ડોનાલ્ડ ટ્રમ્પે (Donald Trump) અમુક વસ્તુઓ પર ટેરિફ હટાવવાનો નિર્ણય લીધો છે. ટ્રમ્પે કહ્યું, "અમે કોફી જેવી કેટલીક વસ્તુઓ પર ટેરિફ હટાવી રહ્યા છીએ. મોંઘવારી અંગે તેમણે કહ્યું કેટલીક વસ્તુઓના ભાવમાં વધારો થયો છે. જો કે મોટા ચિત્રમાં આ રાષ્ટ્રીય હિતમાં લેવામાં આવેલું પગલું છે. ટ્રમ્પે દાવો કર્યો હતો કે તેમણે પદ સંભાળ્યા પછી મોંઘવારી સામે લડવા માટે અનેક પગલાં લીધાં છે. ટ્રમ્પ વહીવટી તંત્રનું કહેવું છે કે રોજિંદી વસ્તુઓના વધતાં ભાવ માટે ટેરિફ જવાબદાર નથી. દરમિયાન ડેમોક્રેટ્સ કહે છે કે ટ્રમ્પની નીતિઓ અમેરિકન લોકોને નુકસાન પહોંચાડી રહી છે.

ઉલ્લેખનીય છે કે બ્રાઝિલ અમેરિકામાં સૌથી વધુ ગૌમાંસ નિકાસ કરતું હતું. જોકે બ્રાઝિલ પર ભારે ટેરિફ લાદવાથી તેના ભાવમાં વધારો થયો છે. ટ્રમ્પે ચા, ફળોના રસ, કોકો, મસાલા, કેળા, નારંગી, ટામેટાં અને કેટલાક ખાતરો પરના ટેરિફ દૂર કરવાનો આદેશ આપ્યો છે. અમેરિકા ઘણા દેશો સાથે વેપાર વાટાઘાટો પણ કરી રહ્યું છે. અમેરિકાએ કૃષિ ઉત્પાદનો અંગે ઇક્વાડોર, અલ સાલ્વાડોર અને આર્જેન્ટિના સાથે કરાર કર્યા છે અને ટેરિફમાં રાહત આપી છે.

શું ટ્રમ્પ ભારત પર લાગેલા ટેરિફને ઘટાડશે?

ભારત પર લગાવેલા બમણા ટેરિફ અંગે વાત કરતાં ડોનાલ્ડ ટ્રમ્પે કહ્યું કે અમેરિકા ભારત સાથે "વાજબી વેપાર સોદો" કરવા માટે ખૂબ નજીક છે અને ઉમેર્યું કે તેઓ ટંક ભારત પર લાદવામાં આવેલા ટેરિફ ઘટાડશે. બે અઠવાડિયાથી ઓછા સમયમાં આ બીજી વખત છે જ્યારે યુએસ રાષ્ટ્રપતિએ આશા વ્યક્ત કરી છે કે ભારત સાથે પ્રસ્તાવિત દ્વિપક્ષીય વેપાર સોદો અંતિમ સ્વરૂપ પામશે.

આ પણ વાંચોઃ Jharkhand: પોલીસકર્મીઓની કારે કાબૂ ગુમાવતાં ડેમમાં પડી, 4 પોલીસના મૃતદેહ મળ્યા, એકની શોધખળ ચાલુ

આ પણ વાંચોઃ Sania Mirza: ટેનિસ સ્ટાર સાનિયા મિર્ઝાનો આજે જન્મ દિવસ, જાણો તેની અજાણી વાતો!