America : વ્હાઈટ હાઉસ બહાર 25 રાઉન્ડ ફાયરિંગ, સિક્રેટ સર્વિસે એક હુમલાખોરને ગોળી મારતા સારવાર દરમિયાન મોત

• America ના વ્હાઈટ હાઉસ નજીક ફાયરિંગની ઘટના
• ઘટના સમયે વ્હાઇટ હાઉસમાં હાજર હતા ટ્રમ્પ
• હોસ્પિટલમાં સારવાર દરમિયાન એક હુમલાખોરનું મોત
• અન્ય એક વ્યક્તિ પણ ઈજાગ્રસ્ત થયો
• અમેરિકાની પોલીસે તપાસનો કર્યો ધમધમાટ

America : વ્હાઇટ હાઉસ કોમ્પ્લેક્સ પાસે ગોળીબારની બીજી ઘટના બની છે. ગોળીબાર દરમિયાન અમેરિકાના રાષ્ટ્રપતિ ટ્રમ્પ પણ કોમ્પ્લેક્સમાં હાજર હોવાનું જણાવવામાં આવી રહ્યું છે. યુએસ સિક્રેટ સર્વિસે જણાવ્યું હતું કે શનિવારે સાંજે 17મી સ્ટ્રીટ અને પેન્સિલવેનિયા એવન્યુ વિસ્તારમાં એક વ્યક્તિએ પોતાની બેગમાંથી હથિયાર કાઢીને ગોળીબાર શરૂ કર્યો હતો. સિક્રેટ સર્વિસ પોલીસે વળતો ગોળીબાર કર્યો હતો, જેમાં શંકાસ્પદને ગોળી વાગી હતી. તેને હોસ્પિટલમાં લઈ જવામાં આવ્યો હતો જ્યાં તેનું મોત નીપજ્યું હતું.

ફાયરિંગ દરમિયાન એક રાહદારીને પણ ગોળી વાગી હતી

મીડિયા રિપોર્ટ્સ અનુસાર, શનિવારે ત્યાં હાજર પત્રકારોને અનેક ગોળીબારના અવાજો સાંભળ્યા હતા. ત્યારબાદ તેમને પ્રેસ બ્રીફિંગ રૂમમાં જવા માટે કહેવામાં આવ્યું હતું, પરંતુ ત્યારબાદ યુએસ સિક્રેટ સર્વિસના અધિકારીઓએ તેમને બહાર જતા અટકાવ્યા હતા. યુએસ સિક્રેટ સર્વિસના અહેવાલ અનુસાર તેમને વ્હાઇટ હાઉસથી એક બ્લોક, 17મી સ્ટ્રીટ અને પેન્સિલવેનિયા એવન્યુ NW નજીક ગોળીબારના અહેવાલો મળ્યા હતા. અને તેઓ ઘટનાસ્થળે હાજર કર્મચારીઓ પાસેથી માહિતીની મેળવવાનો કરવાનો પ્રયાસ કરી રહ્યા છે.

અમેરિકાના વ્હાઇટ હાઉસ પાસે ગોળીબાર | Gujarat First#WhiteHouse #WashingtonDC #DonaldTrump #USNews #BreakingNews #Shooting #SecretService #America #Gunfire #WorldNews #Trump #SecurityAlert #LatestNews #ViralNews #NewsUpdate pic.twitter.com/PGrkCRv2Ro

— Gujarat First (@GujaratFirst) May 24, 2026

America ના FBI ડિરેક્ટર કાશ પટેલનું નિવેદન

FBI ડિરેક્ટર કાશ પટેલે સોશિયલ મીડિયા પોસ્ટમાં જણાવ્યું હતું કે, અધિકારીઓ ગોળીબારનો સામે જવાબ આપ્યો છે અને કહ્યું કે, તેઓ શક્ય તેટલી વહેલી તકે જનતાને અપડેટ કરશે. પટેલે ઉમેર્યું હતું કે FBI સાથે ગુપ્ત એજન્સીઓ પણ સ્થળ પર હાજર હતી. તો મહત્વની વાત તો એ છે કે, ગોળીબાર સમયે યુએસ પ્રમુખ ડોનાલ્ડ ટ્રમ્પ વ્હાઇટ હાઉસની અંદર હતા. હાલમાં તેઓ સુરક્ષિત હોવાનું જાણવા મળે છે. જોકે, કોઈ સત્તાવાર ઇજાની પુષ્ટિ થઈ નથી. વોશિંગ્ટનની મેટ્રોપોલિટન પોલીસે હજુ સુધી ઘટના અંગે કોઈ વિગતો જાહેર કરી નથી. સુરક્ષા એજન્સીઓ વિસ્તારની તપાસ કરી રહી છે અને લોકોની પ્રવૃત્તિઓ પર નજર રાખી રહી છે.

FBI is on the scene and supporting Secret Service responding to shots fired near White House grounds - we will update the public as we’re able

— FBI Director Kash Patel (@FBIDirectorKash) May 23, 2026

આ પણ વાંચો : Donald Trump એ આપ્યા મોટી તબાહીના સંકેત, એક પોસ્ટથી ખળભળાટ