US Journalist Kidnapped : બગદાદથી અમેરિકન પત્રકાર શેલી કિટલસનનું અપહરણ, CCTV આવ્યા સામે
- US Journalist Kidnapped : બગદાદમાં અમેરિકી પત્રકારનું અપહરણ
- ઈરાકી સુરક્ષાદળોએ સુરક્ષિત મુક્ત કરાવી
- પત્રકાર શૈલી કિટલસનનું કરાયું હતું અપહરણ
- અપહરણની ઘટનાના CCTV આવ્યા સામે
- એક વાહન જપ્ત, અપહરણકારો હજુ ફરાર
US Journalist Kidnapped : મધ્ય પૂર્વ (Middle East)માં ચાલી રહેલા સંઘર્ષ વચ્ચે વધુ એક ચોંકાવનારા સમાચાર સામે આવ્યા છે. ઈરાકની રાજધાની બગદાદ (Baghdad)માંથી જાણીતા અમેરિકન ફ્રીલાન્સ પત્રકાર શેલી કિટલસન (Shelly Kittleson) નું અજાણ્યા શખ્સો દ્વારા અપહરણ કરવામાં આવ્યું છે. ઈરાકી ગૃહ મંત્રાલયે આ ઘટનાની પુષ્ટિ કરતા જણાવ્યું છે કે સુરક્ષા દળો અપહરણકર્તાઓને શોધી રહ્યા છે. અમેરિકી વિદેશ મંત્રાલય (US State Department) પણ આ મામલે સતર્ક છે અને ઈરાકી સત્તાવાળાઓ સાથે સંપર્કમાં છે.
US Journalist Kidnapped : ઈરાન કનેકશન લઈને તપાસમાં મોટો ખુલાસો
યુએસ સ્ટેટ ડિપાર્ટમેન્ટના સહાયક સચિવ ડાયલન જોહ્ન્સન (Dylan Johnson) ના જણાવ્યા અનુસાર, આ અપહરણ પાછળ ઈરાન સમર્થિત લશ્કરી જૂથ 'કતૈબ હિઝબુલ્લાહ' (Kata'ib Hezbollah) નો હાથ હોવાની પ્રબળ શંકા છે. તપાસ દરમિયાન એક વાહન પલટી જતાં આ જૂથ સાથે સંકળાયેલા એક શંકાસ્પદ વ્યક્તિની ધરપકડ પણ કરવામાં આવી છે. ઉલ્લેખનીય છે કે કતૈબ હિઝબુલ્લાહ એ ઈરાનની ઈસ્લામિક રિવોલ્યુશનરી ગાર્ડ કોર્પ્સ (IRGC) ની 'એક્સિસ ઓફ રેઝિસ્ટન્સ' નો મહત્વનો ભાગ છે.
🚨 WATCH: American journalist Shelly Kittleson kidnapped in central Baghdad
Footage shows the moment militants linked to Kataib Hezbollah seized her. The US State Department confirms the abduction, and authorities say one suspect tied to Kataib Hezbollah is now in custody. pic.twitter.com/sV4xzi4d7U
— Defense Signal (@defensesignal) March 31, 2026
શું આ ઇઝરાયેલના હુમલાનો બદલો છે?
ઘણા રણનીતિકારો આ ઘટનાને 28 માર્ચ, 2026 ના રોજ દક્ષિણ લેબનોન (South Lebanon) માં થયેલા હુમલાના બદલા તરીકે જોઈ રહ્યા છે. તે દિવસે ઇઝરાયેલ (Israel) દ્વારા કરવામાં આવેલા કાર બોમ્બ વિસ્ફોટમાં ત્રણ મીડિયાકર્મીઓ—ફાતિમા ફતુની, અલી શોએબ અને મોહમ્મદ ફતુનીના મોત થયા હતા. પશ્ચિમી પત્રકારનું અપહરણ એ ઈરાન પ્રેરિત જૂથો તરફથી વળતો જવાબ હોવાની આશંકા સેવાઈ રહી છે.
કોણ છે શેલી કિટલસન અને કતૈબ હિઝબુલ્લાહ?
શેલી કિટલસન એક અનુભવી અમેરિકન પત્રકાર છે. જે વર્ષોથી મધ્ય પૂર્વ અને અફઘાનિસ્તાનના યુદ્ધગ્રસ્ત વિસ્તારોમાંથી ગ્રાઉન્ડ રિપોર્ટિંગ કરે છે. તેમને તેમના સાહસિક કાર્ય માટે અનેક પુરસ્કારો પણ મળ્યા છે. ઈરાકમાં સક્રિય આ જૂથનો મુખ્ય હેતુ અમેરિકી દળોને દેશમાંથી હાંકી કાઢવાનો છે. આ જૂથ અગાઉ પણ વિદેશી નાગરિકોના અપહરણની ઘટનાઓમાં સામેલ રહ્યું છે. જેમાં એલિઝાબેથ ત્સુરકોવનો કેસ વૈશ્વિક સ્તરે ચર્ચાયો હતો.