દક્ષિણ કોરિયાઈ ગાયક મૂનબીને કરી આત્મહત્યા, તેમના એપાર્ટમેન્ટમાં મૃત હાલતમાં મળી આવ્યા

અહેવાલ -રવિ પટેલ 

એસ્ટ્રોસના સભ્ય મૂનબીનનું 25 વર્ષની વયે અવસાન થયું છે. એક રિપોર્ટ અનુસાર, કે-પૉપ આઈડલ સિયોલના ગંગનમ-ગુમાં તેમના એપાર્ટમેન્ટમાં મૃત હાલતમાં મળી આવ્યા હતા. દક્ષિણ કોરિયાના એક મનોરંજન પોર્ટલે દાવો કર્યો છે કે પોલીસ અધિકારીઓ માને છે કે મૂનબિને આત્મહત્યા કરી છે. હાલ પોલીસ મોતના કારણની તપાસ કરી રહી છે.

મેનેજરે પોલીસને જાણ કરી
આંતરરાષ્ટ્રીય અહેવાલો અનુસાર, મૂનબીન 19 એપ્રિલે રાત્રે લગભગ 8.10 વાગ્યે તેના ઘરે મૃત હાલતમાં મળી આવ્યા હતા. મળતી માહિતી મુજબ, ઘટના બાદ મેનેજરે તરત જ પોલીસનો સંપર્ક કર્યો હતો. જો કે, તેમની એજન્સી ફેન્ટેજિયોએ ગાયકના મૃત્યુ અંગે હજુ સુધી કોઈ નિવેદન બહાર પાડ્યું નથી.

13 મેનો કાર્યક્રમ રદ
તમને જણાવી દઈએ કે એસ્ટ્રો યુનિટના સભ્ય મૂનબિને સાન્હા સાથે પુનરાગમન કર્યું અને તેઓ એક ફેન કોન ટુર હોસ્ટ કરવાના હતા. જો કે, હવે આયોજકોએ એક નિવેદન જારી કરીને કાર્યક્રમને રદ્દ કરવાની માહિતી આપી છે. આયોજકોએ કહ્યું છે કે, 'ભારે હૃદયથી અમે તમને જણાવવા માંગીએ છીએ કે 2023ની મૂનબોન અને સાન્હા ફેન કોન ટૂર: જકાર્તામાં 13 મેના રોજ નિર્ધારિત ડિફ્યુઝન રદ કરવામાં આવી છે. ઘણી ચર્ચા અને વિચારણા પછી, અણધાર્યા સંજોગોને કારણે અમારે તેને રદ કરવું પડ્યું."

આ પણ  વાંચો- UNની રિપોર્ટમાં ખૂલાસો, આ બાબતે ભારતે ચીનને આપી મ્હાત, બન્યો વિશ્વમાં નંબર 1 દેશ