ટ્રમ્પ સત્તા સંભાળે તે પહેલા બાઈડેન કરી રહ્યા છે ફટાફટ કામ

• ટ્રમ્પના આગમન પહેલા બાઈડેન ગભરાયા!
• જો બાઈડેન ટ્રમ્પની સત્તા સંભાળે તે પહેલા આ કામ ઝડપથી કરી રહ્યા છે
• ડેમોક્રેટ્સના પ્રયાસો: ન્યાયાધીશોની ઝડપી પુષ્ટિ
• સેનેટમાં ખાલી જગ્યા પૂરી કરવા બાઈડેનના પ્રયાસો

અમેરિકામાં ખાલી પડેલી ફેડરલ ન્યાયાધીશોની જગ્યાઓ પર નિમણૂકને લઈને રિપબ્લિકન અને ડેમોક્રેટિક પાર્ટી વચ્ચે ચર્ચા શરૂ થઈ છે. યુએસ સંસદના ઉપલા ગૃહ સેનેટમાં ડેમોક્રેટ્સની બહુમતી છે અને મંગળવારે ડેમોક્રેટ્સે રાષ્ટ્રપતિ જો બાઈડેન દ્વારા નામાંકિત કરાયેલા ઘણા નવા ફેડરલ ન્યાયાધીશોની નિમણૂકની પુષ્ટિ કરવા માટે શ્રેષ્ઠ પ્રયાસો કર્યા હતા. ડેમોક્રેટ્સનો ઇચ્છે છે કે બાઈડેનના પસંદ કરેલા ન્યાયાધીશોની બધી ખાલી જગ્યાઓ ભરી દેવામાં આવે, જેથી રિપબ્લિકન નેતા ડોનાલ્ડ ટ્રમ્પ સંભવિતપણે 20 જાન્યુઆરીએ રાષ્ટ્રપતિ પદ સંભાળ્યા પછી તેમના પસંદગીના જ ન્યાયાધીશોની નિમણૂક કરી ન શકે.

બાઈડેને 31 જજ નામાંકિતની જાહેરાત કરી

3 જાન્યુઆરીના રોજ, રિપબ્લિકન પાર્ટી સેનેટ પર નિયંત્રણ મેળવશે અને તે પહેલાં સેનેટ ભૂતપૂર્વ પ્રોસિક્યુટર એપ્રિલ પેરીની નિમણૂકની પુષ્ટિ કરવા માટે મતદાન કરવા તૈયાર છે, જે બાઈડેન દ્વારા નામાંકિત ન્યાયાધીશોમાંના એક છે. 5 નવેમ્બરે યોજાયેલી યુએસ પ્રમુખપદની ચૂંટણીમાં ટ્રમ્પની જીત બાદ ન્યાયાધીશોની નિમણૂકની પુષ્ટિ પર આ પ્રથમ મતદાન છે. પેરીને બઈડેન દ્વારા ઇલિનોઇસ રાજ્યમાં યુએસ ડિસ્ટ્રિક્ટ કોર્ટના ન્યાયાધીશ તરીકે સેવા આપવા માટે નામાંકિત કરવામાં આવ્યા હતા. જણાવી દઇએ કે, બાઈડેને 31 જજ નામાંકિતની જાહેરાત કરી છે જેઓ સેનેટમાં મતની રાહ જોઈ રહ્યા છે. પેરી પણ આમાં સામેલ છે. તે 17 ઉમેદવારોમાંથી એક છે જેમની સેનેટ ન્યાયતંત્ર સમિતિ દ્વારા ચકાસણી કરવામાં આવી છે. આ 17 ઉમેદવારો સેનેટમાં અંતિમ મતની રાહ જોઈ રહ્યા છે. અન્ય 14 ઉમેદવારો સેનેટ ન્યાયતંત્ર સમિતિ દ્વારા સમીક્ષાની રાહ જોઈ રહ્યા છે.

અમેરિકામાં, સેનેટને સંઘીય ન્યાયાધીશોની નિમણૂક કરવાની સત્તા છે

યુએસ બંધારણ સેનેટને સત્તા આપે છે કે તે રાષ્ટ્રપતિ દ્વારા નિયુક્ત ન્યાયાધીશોને સંઘીય ન્યાયતંત્રમાં આજીવન સેવા આપવા માટે પરવાનગી આપી શકે છે. ડેમોક્રેટિક સેનેટ બહુમતના નેતા ચક શૂમરે એક નિવેદનમાં જણાવ્યું હતું કે, "અમે શક્ય તેટલું વધુ કામ કરીશું." ટ્રમ્પે right-wing ન્યાયાધીશોની નિમણૂક કરી જ્યારે બાઈડેને ઉદાર ન્યાયાધીશોની નિમણૂક કરી. ટ્રમ્પે તેમના કાર્યકાળના પ્રથમ ચાર વર્ષમાં 234 ન્યાયાધીશોની નિમણૂક કરી હતી, જે એક જ કાર્યકાળમાં કોઈપણ રાષ્ટ્રપતિ દ્વારા કરવામાં આવેલી નિમણૂકોની બીજી સૌથી વધુ સંખ્યા છે. તેઓ ન્યાયતંત્રમાં right-wing ન્યાયાધીશોની નિમણૂક કરવામાં સફળ રહ્યા હતા, જેમાં યુએસ સુપ્રીમ કોર્ટમાં ત્રણ રૂઢિચુસ્ત ન્યાયાધીશોની નિમણૂકનો સમાવેશ થાય છે.

ઉદાર (Liberal) ન્યાયાધીશોની નિમણૂક

વળી, બાઈડેને ઘણા ઉદાર ન્યાયાધીશોની નિમણૂક કરી છે. 2021 માં તેમના પ્રમુખપદની શરૂઆતથી, બાઈડેને 213 ન્યાયાધીશોની નિમણૂક કરી છે, જેમાં ઉદાર સુપ્રીમ કોર્ટના ન્યાયાધીશ કેતનજી બ્રાઉન જેક્સનનો સમાવેશ થાય છે. બાઈડેન દ્વારા નિયુક્ત કરાયેલા ન્યાયાધીશોમાંથી લગભગ બે તૃતીયાંશ મહિલાઓ હતી અને એટલી જ સંખ્યા વંશીય લઘુમતીઓમાંથી હતી.

આ પણ વાંચો:  Trump ની જીતથી નારાજ Americans માટે આ ક્રૂઝ કંપની લઇને આવી શાનદાર ઓફર!