Britain Air Traffic : બ્રિટનની એર ટ્રાફિક કંટ્રોલ સિસ્ટમમાં સર્જાયેલી ગંભીર ટેકનિકલ ખામીને કારણે દેશભરમાં હવાઈ મુસાફરી સંપૂર્ણપણે ઠપ થઈ ગઈ છે. સિસ્ટમ ફેલ થવાને કારણે 1,000 થી વધુ ફ્લાઇટ્સ રદ કરવાની ફરજ પડી છે, જેનાથી એરપોર્ટ પર અરાજકતા ફેલાઈ છે અને હજારો મુસાફરો કલાકો સુધી ફસાઈ રહેવા મજબૂર બન્યા છે.
Britain Air Traffic : બ્રિટનની એર ટ્રાફિક કંટ્રોલ સિસ્ટમમાં સર્જાયેલી ગંભીર ટેકનિકલ ખામીને કારણે દેશભરમાં અરાજકતા ફેલાઈ ગઈ છે. ફ્લાઇટ મોનિટરિંગ વેબસાઇટ Flightradar24 ના જણાવ્યા અનુસાર, સિસ્ટમ ફેલ થવાને કારણે 1,000 થી વધુ ફ્લાઇટ્સ રદ કરવી પડી છે, જેનાથી હવાઈ મુસાફરી સંપૂર્ણપણે ઠપ થઈ ગઈ છે.
મુંબઈથી લંડન જતી એર ઇન્ડિયાની ફ્લાઇટ ડાયવર્ટ કરાઈ
નેશનલ એર ટ્રાફિક સર્વિસીસ દ્વારા ફ્લાઇટ પ્રોસેસિંગ સિસ્ટમની સમસ્યાને ઠીક કરી દેવા છતાં, એરપોર્ટ પર ફસાયેલા વિમાનોના મોટા બેકલોગને કારણે હજુ પણ ભારે વિલંબ થઈ રહ્યો છે. આ મુશ્કેલીના કારણે બ્રિટિશ એરવેઝ, ઇઝીજેટ અને રાયનએર જેવી મોટી એરલાઇન્સ પ્રભાવિત થઈ છે, એટલું જ નહીં પરંતુ મુંબઈથી લંડન જતી એર ઇન્ડિયાની ફ્લાઇટને પણ ઝુરિચ ડાયવર્ટ કરવી પડી હતી.
એરલાઇન્સ દ્વારા NATS વડાના રાજીનામાની માંગ કરાઈ
મુસાફરોને એરપોર્ટ પર ભારે હાલાકીનો સામનો કરવો પડ્યો છે અને યુરોપની સૌથી મોટી એરલાઇન રાયનએરના જણાવ્યા મુજબ લાંબા વિલંબને કારણે 65,000 થી વધુ મુસાફરો પ્રભાવિત થયા છે. આ મામલે એરલાઇન કંપનીઓએ NATS વડાના રાજીનામાની માંગ કરી છે, જ્યારે યુકેના પરિવહન સચિવ હેઈડી એલેક્ઝાંડર (Heidi Alexander) એ મુસાફરોની માફી માંગીને ટેકનિકલ ખામીની ઉચ્ચસ્તરીય તપાસની ખાતરી આપી છે.
આ પણ વાંચો : Israel-Britain Conflict : વેસ્ટ બેંક વિવાદથી ભડકી ઉઠ્યું ઈઝરાયલ ! પૂર્વ જેરુસલેમમાં દૂતાવાસ બંધ કરવાની જાહેરાત
