હદ છે! હવે કોન્ડોમ વાપરવા પર પણ ટેક્સ? ચીન સરકારના નવા નિયમથી આખી દુનિયા સ્તબ્ધ
ચીન સરકારના એક નવા આદેશથી સમગ્ર વિશ્વમાં આશ્ચર્ય ફેલાયું છે. વસ્તી વધારવાના ઉદ્દેશ્યથી લેવાયેલું આ પગલું યુવાનોને સીધી અસર કરી રહ્યું છે, જેના કારણે લોકો હવે સોશિયલ મીડિયા પર સરકારની મજાક ઉડાવી રહ્યા છે. સરકારની આ યોજના અને વાસ્તવિકતા વચ્ચેનો તફાવત કંઈક અલગ જ વાર્તા કહી રહ્યો છે. આ રણનીતિ ભવિષ્યમાં સફળ થશે કે પછી વિપરીત અસર કરશે તે એક ગંભીર પ્રશ્ન છે.
Advertisement
- ચીનમાં હવે વસ્તી વધારવા કોન્ડોમ પર 13% ટેક્સ લાગુ (China Population Crisis)
- સરકારે ગર્ભનિરોધક સાધનો પર 13% VAT ઝીંક્યો
- ઘટતી જતી વસ્તીને રોકવા ચીનનો ચોંકાવનારો નિર્ણય
- બાળકોનો ઉછેર અને વૃદ્ધોની સેવાઓ ટેક્સ ફ્રી કરાઈ
- દાયકાઓ જૂની ટેક્સ મુક્તિ સરકારે કરી નાબૂદ
China Population Crisis : ચીનની સામ્યવાદી સરકારે દેશમાં સતત ઘટી રહેલા જન્મદરને રોકવા માટે એક અત્યંત ચોંકાવનારો માર્ગ અપનાવ્યો છે. 1 જાન્યુઆરી 2026 થી અમલી બનેલા નવા નિયમ અનુસાર, હવે ચીનમાં કોન્ડોમ અને અન્ય ગર્ભનિરોધક સાધનો પર 13% વેલ્યુ એડેડ ટેક્સ (VAT) વસૂલવામાં આવશે. દાયકાઓ સુધી 'વન ચાઈલ્ડ પોલિસી' કડકાઈથી લાગુ કરનાર ડ્રેગન હવે યુવાનોને ગમે તેમ કરીને બાળક પેદા કરવા માટે મજબૂર કરી રહ્યો છે.
